15.10.2026 | 13:59
Բենզալցակայանի քանդման պատճառը Մեսրոպ Մանուկյանը չէ, այն ինքնակամ է. Աջափնյակի թաղապետ. ՏԵՍԱՆՅՈՒԹ
Երևանում մեկնարկած համաժողովն անց է կացվում «Ինտերնետ կառավարումը կայուն ու ներառական զարգացման համար» կարգախոսով
02.10.2017 | 19:46
Երևանում հոկտեմբերի 2-ին մեկնարկեց Հայկական ինտերնետ կառավարման 3-րդ համաժողովը (ArmIGF 2017), որը կազմակերպվում է ՀՀ ինտերնետ կառավարման հանձնաժողովի նախաձեռնությամբ:
Այս տարի համաժողովն անցկացվում է «Ինտերնետ կառավարումը կայուն ու ներառական զարգացման համար» կարգախոսով:
Համաժողովին ողջույնի խոսքով հանդես եկավ ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը:
«Համացանցն այսօր մեր կյանքի մի մասն է դարձել, և առանց դրա, առանց հասարակության տարբեր շերտերի ներգրավման հնարավոր չէ այդ կառավարումն իրականացնել: Համոզված եմ, որ օրակարգում ընդգրկված թեմաների քննարկումներն ինտերնետի արագ զարգացման արդյունքում ձևավորվող մարտահրավերների լուծման տարբերակներ գտնելու հնարավորություն կտան»,- ասաց նախարարը:
Ամենուր համացանցի արագ ներթափանցման հետևանքով ստեղծվել է իրավիճակ, երբ ավանդական մոտեցումները բավարար չեն առցանց մարտահրավերներին համարժեք արձագանքելու համար: Անհրաժեշտ է լսել բազմաշահառու այս ոլորտի բոլոր կողմերին և նոր մոտեցում մշակել:
Այդ նպատակով համաժողովը նախատեսում է հանրային քննարկումների շարք տեղեկատվական անվտանգություն, անձնային տվյալները թվային դարում, ամպային տեխնոլոգիաներ. ինտերնետի ազդեցությունը ռադիոյի և հեռուստատեսության վրա և այլ թեմաներով:
Տեղեկատվական անվտանգության փորձագետ Սամվել Մարտիրոսյանը նշեց, որ ինտերնետի զարգացման հետևանքով առաջացած արդի մարտահրավերները Հայաստանում նույնն են, ինչ ամբողջ աշխարհում: Հիմնական խնդիրներից է ինտերնետ օգտագործողների գրագիտության պակասը, ինչը բերում է անձնական տվյալների անվտանգության խախտման, չեն պահպանվում անվտանգության կանոնները նաև օնլայն առևտուր կատարելիս:
«ArmIGF»-ի ընթացքում քննարկված թեմաների շուրջ ձևավորված կարծիքները, տարբեր շահառուների դիտողություններն ու առաջարկությունները Ինտերնետ կառավարման հանձնաժողովին հնարավորություն կտան մշակել և կառավարություն ներկայացնել հանրային մոտեցումները:
