08.12.2025 | 22:54
Ռուբեն Վարդանյանը Բաքվի դատարանին որոշ փաստաթղթերի ծանոթանալու միջնորդություն է ներկայացրել
Երևի պետք է ԱԱԾ-ն նայի, դուք գուցե ժուչո՞կ եք տեղադրում իմ սենյակում. Վիգեն Սարգսյան
Քաղաքականություն
02.10.2017 | 12:48
ՀՀ պաշտպանության նախարար Վիգեն Սարգսյանն այսօր լրագրողների հետ հանդիպմանն ամփոփեց պաշտոնավարման մեկ տարին: Նախարարից լրագրողները հետաքրքրվեցին՝ ի՞նչ հարաբերություններ ունի ԳՇ պետ Մովսես Հակոբյանի հետ` հաշվի առնելով մամուլի հրապարակումներն այն մասին, որ Մովսես Հակոբյանի և նրա հարաբերությունները լարված են: Վիգեն Սարգսյանը հակադարձեց՝ այդ հրապարակումները ֆանտազիայի ժանրից են:
«Ես հարգում եմ խոսքի ազատությունը, մտքի ազատությունն՝ ավելի, բայց նախարարի պաշտոնի նկարագրության մեջ չի մտնում ֆանտազիաների հինավորումը կամ հերքումը: Դուք սուրճի բաժակի շուրջ որոշումներ եք կայացնում, նկարագրում եք իմ աշխատասենյակում ինչ քննարկում է եղել: Երևի պետք է ԱԱԾ-ն նայի, դուք երևի ժուչո՞կ եք տեղադրում իմ սենյակում: Շատ մտահոգիչ է դա, լավ ծառայություն չեք մատուցում երկրին»,- ընդգծեց Վիգեն Սարգսյանը:
Մարնամասները՝ տեսանյութում:
Շողիկ Գալստյան
