29.03.2026 | 17:19
3 անձ է ձերբակալվել Փաշինյանի մասնակցությամբ եկեղեցում տեղի ունեցած միջադեպից հետո
ԱԱԾ-ի և բանակի ստորաբաժանումները բարձր պատրաստվածություն ունեն հակաահաբեկչության կազմակերպվածության հարցերում․ ԱԱԾ տնօրենի ԺՊ. ՏԵՍԱՆՅՈՒԹ
Տեսանյութեր
26.09.2019 | 15:56
Այս օրերին Հայաստանում անցկացվեցին ԱՊՀ մասնակից պետությունների անվտանգության մարմիններին և հատուկ ծառայությունների համատեղ «Արարատ-Անտիտեռոր-2019» հակաահաբեկչական վարժանքի եզրափակիչ փուլերը։
ՀՀ ԱԱԾ տնօրենի ժամանակավոր պաշտոնակատար Էդուարդ Մարտիրոսյանը նշեց, որ վարժանքի ընթացքում մշակվել և իրականացվել են համագործակցության երկրների՝ Հայաստանի, Բելառուսի, Ղազախստանի, Ղրղզստանի, Ռուսաստանի, Տաջիկստանի, Ուզբեկստանի իրավասու մարմինների փոխգործակցության ալգորիթմերը՝ էներգետիկ համալիրի օբյեկտներում ահաբեկչական գործողությունների նախապատրաստական նախանշանների հայտնաբերման և կանխման ուղղությամբ։
ԱԱԾ տնօրենի ժամանակավոր պաշտոնակատարը զեկուցեց, որ հակաահաբեկչական գործողությունների կառավարման հանրապետական օպերատիվ շտաբի ղեկավարությամբ լուծվել են հակաահաբեկչական միջոցառումների անցկացման պայմաններում ուժերի և միջոցների պլանավորման, ինչպես նաև՝ մարմինների և ստորաբաժանումների կայուն և շարունակական կառավարմանը վերաբերող խնդիրներ։
Ահաբեկչական ուղղվածությոան ապօրինի զինված կազմավորումների շրջափակմանը և ոչնչացմանն ու իրադրության կայունացմանն ուղղված հատուկ գործողությանը մասնակցելու նպատակով Հակաահաբեկչական գործողության կառավարման հանրապետական շտաբը ներգրավել է ՀՀ ԱԱԾ սահմանապահ զորքերի, Զինված ուժերի և Ոստիկանության ուժերն ու միջոցները։ Ահաբեկչական գործողության հետևանքների վերացման նպատակով ներգրավվել են ԱԻՆ ստորաբաժանումները։
Վարժանքն անցկացվեց «Բաղրամյան» զորավարժարանում։
