28.11.2024 | 21:30
Հռոմի պապը 2025 թվականին կայցելի Թուրքիա
Թրամփը Զելենսկուն խոստացել է օգնել՝ վերադարձնել Ղրիմը
Քաղաքականություն
26.09.2019 | 14:10
Ուկրաինայի նախագահ Վլադիմիր Զելենսկին հայտարարել է, որ ԱՄՆ նախագահ Դոնալդ Թրամփը խոստացել է օգնել՝ վերադարձնել Ղրիմը: Այս մասին գրում է ՌԻԱ Նովոստին:
«Ինձ թվում է, և ես դա լսեց, որ նա համաձայն է, որ մեր դա մեր հայրենի հողն է, և մենք այն կվերադարձնենք: Նա ասաց՝ «Այո՛, պետք է աշխատեք, և մենք կօգնենք ձեզ»»,- ասել է Զելենսկին:
Նա հավելել է, որ Թրամփին պատմել է, թե որքան գեղեցիկ է թերակղզին:
Ուկրաինայի և ԱՄՆ ղեկավարները հանդիպել են նախօրեին, ՄԱԿ-ի Գլխավոր վեհաժողովի շրջանակում: Սպիտակ տան ղեկավարը հանդիպումը «ֆանտաստիկ» է բնորոշել, բայց քննարկումից մանրամասներ չի հաղորդել:
Հայտնի է միայն, որ նա Զելենսկուն առաջարկել է զարգացնել ՌԴ-ի հարաբերություններում առաջընթացը: Ուկրաինայի նախագահն իր հերթին վստահեցրել է, որ չի ցանկանում միջամտել ԱՄՆ-ի ընտրություններին, և գործընկերոջը հրավիրել է Կիև:
Հիշեցնենք, որ սեպտեմբերի 24-30-ը Նյու Յորքում մեկնարկել է ՄԱԿ-ի Գլխավոր վեհաժողովի 74-րդ նստաշրջանը:
