05.08.2026 | 16:00
Գերմանիայի օդանավակայանում ուկրաինական ինքնաթիռի մոտ պայթուցիկով ԱԹՍ է հայտնաբերվել
Թուրքիայից ԵՄ արտահանումը 2019-ի 7 ամսում կազմել է 47.2 մլրդ եվրո
Քաղաքականություն
16.09.2019 | 23:00
Եվրամիության (ԵՄ) վիճակագրական ծառայությունը (Eurostat) վիճակագրական տվյալներ է հրապարակել Եվրամիության տարածքում և եվրոյի գոտում տեղի ունեցած առևտրաշրջանառության վերաբերյալ։ Այս մասին գրում է ermenihaber.am-ը:
Ըստ այդմ՝ 2019թ․ միայն հուլիսին Թուրքիայից Եվրամիություն 7 մլրդ 639.3 մլն եվրոյի արտահանում է կատարվել։ Իսկ Եվրամիությունից Թուրքիա են ներմուծվել 6 մլրդ 375.7 մլն եվրո ընդհանուր արժողությամբ ապրանքներ, ինչի արդյունքում Թուրքիա-ԵՄ առևտրային ավելցուկը կազմել է 1 մլրդ 263.6 մլն եվրո:
Նշվում է, որ 2019-ի 7 ամսում Թուրքիայից ԵՄ արտահանման ընդհանուր ծավալը կազմել է 47.2 մլրդ եվրո։ Նույն ժամանակահատվածում ԵՄ-ից Թուրքիա ներմուծման ծավալը կազմել է 42.3 մլրդ եվրո։
Այդպիսով 2019թ հունվար-հուլիս ամիսներին Թուրքիա-ԵՄ արտահանումը 4.9 մլրդ եվրոյով ավել է ներմուծման ծավալներից:
