06.10.2026 | 14:32
Ստամբուլի դպրոցներից մեկում դանակով հարձակման դեպք է տեղի ունեցել․ 8 աշակերտ վիրավորվել է․ ՏԵՍԱՆՅՈՒԹ
ԿԳՆ պաշտոնյան ժամանակավոր լուծում է առաջարկում, Աշտարակի դպրոցում դասադուլ անողներին այն չի բավարարում
Հասարակություն
26.09.2017 | 14:58
Ինչպես տեղեկացրել ենք, Աշտարակի Վարդգես Պետրոսյանի անվան հիմնական դպրոցի ծնողական խորհուրդը այսօրվանից անժամկետ դասադուլ է հայտարարել: Նրանք պատճառաբանում են, որ դպրոցը նախատեսված է 200 աշակերտի համար, մինչդեռ այսօր դպրոցում կրթություն է ստանում շուրջ 602 աշակերտ: Ծնողները պահանջում են դպրոցն անհապաղ հիմնանորոգել, դրա հետ մեկտեղ առաջարկում են ժամանակավոր միջանկյալ լուծում:
«Դպրոցից 500 մ հեռավորության վրա գտնվում է Ն.Սիսակյանի անվան ավագ դպրոցը, որը նախատեսված է 1500 աշակերտի համար, բայց ներկայումս սովորում է 280 աշակերտ: Մենք առաջարկում ենք տարրական դպրոցը` 293 աշակերտով, ժամանակավորապես տեղափոխել ավագ դպրոցի ազատ մասնաշենքերից մեկը, մինչև դպրոցի հիմնանորոգման աշխատանքների ավարտը: Այս միջանկյալ լուծումը համընկնում է ՀՀ կառավարության և ԿԳՆ ռազմավարությանը»,- ասում են նրանք։
Factor.am-ը եղել է Աշտարակում, զրուցել նշյալ դպրոցներ այցելած Կրթության և գիտության նախարարության հանրակրթության վարչության պետ Աշոտ Արշակյանի, Արագածոտնի մարզպետ Աշոտ Սիմոնյանի հետ, լսել ներկաների մտահոգությունը:
Աննա Բաբաջանյան
