17.11.2024 | 14:19
Նոյեմբերի 18-ի երեկոյան ժամերին և 19-ին սպասվում է կարճատև անձրև
Զարգացած համայնք ունենալու համար կարևոր է յուրաքանչյուրիս աշխատանքը. ԱՀ պետական նախարար
08.09.2019 | 16:44
Տեղական ինքնակառավարման մարմինների ընտրությունները կարևորագույն իրադարձություն են ինչպես մեր հանրապետության ընդհանուր կյանքում, այնպես էլ տեղական ինքնակառավարման համակարգի կայացման գործում: «Արցախպրես»-ի հաղորդմամբ` այս մասին լրագրողների հետ ճեպազրույցում ասել է ԱՀ պետական նախարար Գրիգորի Մարտիրոսյանը:
Նրա խոսքով` Կառավարության և տեղական ինքնակառավարման մարմինների փոխհարաբերությունները սահմանված են օրենսդրությամբ, և ըստ էության կան բոլոր հիմքերը, որպեսզի մի շարք լիազորություններ իրականացվեն համայնքի մակարդակով:
«Զարգացած համայնք ունենալու համար կարևոր է յուրաքանչյուրիս աշխատանքը՝ հատկապես կառավարություն և տեղական ինքնակառավարման մարմիններ փոխհարաբերությունների համատեքստում: Եվ ինչքան բարձր լինի այդ համագործակցության աստիճանը, աշխատանքի արդյունավետությունը նույնքան մեծ կլինի: Համայնքը մեծ լիազորություններով է օժտված, ինչը կառավարության քաղաքականության շրջանակներում է` այսինքն ընդլայնել ապակենտրոնացված կառավարումը: Վստահաբար կարող եմ ասել, որ այս ընտրությունները նոր մեկնարկ են այդ գաղափարը ընդլյանելու և խորացնելու համար»,- մասնավորապես նշել է Գ. Մարտիրոսյանը:
Պետական նախարարի խոսքով` ընտրություններին նկատվում է բավականին բարձր ակտիվություն: Նա հույս հայտնել, որ այդ իրավիճակը կպահպանվի մինչև օրվա ավարտը:
