09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԱԱԾ-ին Գագիկ Խաչատրյանի գործով ՊԵԿ-ից փաստաթղթեր են փոխանցվել. Դավիթ Անանյան. ՏԵՍԱՆՅՈՒԹ
Հասարակություն
29.08.2019 | 14:38
Գագիկ Խաչատրյանի գործով ԱԱԾ-ն ՊԵԿ-ից փաստաթղթեր է պահանջել և ստացել: Այս մասին Factor.am-ի հետ զրույցում ասաց ՊԵԿ նախագահ Դավիթ Անանյանը՝ պատասխանելով հարցին, թե տեղեկություններ ունի, որ Գագիկ Խաչատրյանի օրոք ՊԵԿ-ում աշխատակիցներ են գրանցվել, բայց աշխատանքի չեն եկել:
«Ոչ միայն Գագիկ Խաչատրյանի… տարբեր գործերով: ԱԱԾ-ի վարույթում գտնվում են տարբեր կազմակերպություններ: Մեզանից փաստաթղթեր են պահանջել շատ մեծ ծավալի, որոնք փոխանցվել են»,- ասաց նա:
Նա չասաց, թե ԱԱԾ-ն ինչ տվյալներ է պահանջել:
Հիշեցնենք, որ երկու օր առաջ ԱԱԾ-ն խուզարկություն է իրականացրել Գագիկ Խաչատրյանին և նրա հարազատներին պատկանող բնակարաններում: Գագիկ Խաչատրյանը և նրա եղբորորդին՝ Կարեն Խաչատրյանը ձերբակալվել են: ԱԱԾ տնօրենը հայտնել էր, որ նա տասնյակ միլիոնավոր դոլարներ է չարաշահել: Գագիկ Խաչատրյանի պաշտպանն էլ հայտնել էր, որ Խաչատրյանին առաջադրվել է մեղադրանք այն բանի համար, որ ՊԵԿ-ում եղել են գրանցված աշխատողներ, ովքեր գրանցված չեն եղել, բայց աշխատավարձ են ստացել:
Այսօր էլ տեղեկացանք, որ Գագիկ Խաչատրյանին կալանավորելու միջոնորդություն է ներկայացվել: ԱԱԾ-ն պաշտոնապես չի մեկնաբանում տեղեկությունը:
Մանրամասները՝ տեսանյութում:
Նարեկ Կիրակոսյան
