08.11.2024 | 23:14
Վթար Աշտարակի խճուղում․ կա տուժած
ԱՄՆ-ի կիբերհարձակման հետևանքով Իրանի համար կարևոր տվյալների բազա է ոչնչացվել
Քաղաքականություն
29.08.2019 | 12:28
ԱՄՆ Զինված ուժերի կիբերհրամանատարության կողմից դեռևս այս տարվա հունիսին իրանական համակարգչային համակարգերի վրա հաքերային հարձակման ժամանակ Թեհրանի համար կարևոր տվյալների բազա է ոչնչացվել: Այս մասին The New York Times-ին հաղորդել է ԱՄՆ պաշտոնական շրջանակների աղբյուրը, գրում է «Իզվեստիա»-ն:
Աղբյուրի փոխանցմամբ՝ տվյալների բազան, ենթադրաբար, Իսլամական հեղափոխության պահապանների կորպուսին հարկավոր էր Պարսից ծոցի շրջանում գտնվող նավերի վրա հարձակում ծրագրելու համար: Ընդ որում, կիբերհարձակման հետևանքով վնաս է հասցվել նաև իրանական կապի և համակարգչային որոշ ցանցերի: Ամերիկյան կողմը նշել է, որ ծրագրվում էր վնասել Իրանի հրթիռային համալիրների հակաօդային պաշտպանության համակարգերը:
Ամերիկյան զինվորականները կիբերհարձակումը հաջող են համարում: Նրանք նաև մատնանշում են, որ դրանից հետո նշված տարածաշրջանում լցանավերի վրա հարձակում չի եղել: NYT-ի տեղեկություններով՝ Թեհրանն առայժմ չի կարողացել վերականգնել հարձակման հետևանքով կորցրած տվյալները և մի շարք համակարգերի աշխատանքը:
Վաշինգտոնն այս հարձակումը իրանական կողմից ամերիկյան անօդաչու թռչող սարքի ոչնչացման պատասխան է համարում:
