15.12.2025 | 20:00
«Նոա»-ն` պատմական նվաճման շեմին․ ինչ սպասել հաջորդ խաղերում․ զրույց Էդուարդ Քալանթարյանի հետ. ՏԵՍԱՆՅՈՒԹ
ԵԽ Թուրքիայի հարցերով զեկուցող. «Հաջորդ քայլը ո՞րն է, Անկարայի և Ստամբուլի քաղաքապետների պաշտոնանկությու՞նը»
Քաղաքականություն
19.08.2019 | 18:26
Եվրախորհրդարանի (ԵԽ) պատգամավոր, Թուրքիայի հարցերով զեկուցող Քեթի Փիրին քննադատել է Թուրքիայի երեք ընդդիմադիր քաղաքապետների պաշտոնանկության որոշումը: Այս մասին գրում է ermenihaber.am-ը։
Սոցիալական ցանցում թեմայի վերաբերյալ կատարած գրառման մեջ Փիրին մասնավորապես ասել է․ «Դիարբեքիրի, Մարդինի և Վանի քաղաքապետները ընտրվելուց 4 ամիս անց ահաբեկչության հետ կապի մեղադրանքով հեռացվել են իրենց պաշտոններից։ Կրկին։ Ժողովրդի կամքի նկատմամբ զրոյական հարգանք։ Հաջորդ քայլը ո՞րն է։ Անկարայի և Ստամբուլի քաղաքապետների պաշտոնանկությու՞նը»։
Հիշեցնենք, որ օգոստոսի 19-ին պաշտոնից հեռացվել են Դիարբեքիրի քաղաքապետ Ադնան Սելչուք Մըզրաքլըն, Վանի քաղաքապետ Բեդիա Օզգյոքչեն և Մարդինի քաղաքապետ Ահմեթ Թուրքը։ Նրանք մեղադրվում են ահաբեկչական խմբավորման անդամ լինելու և ահաբեկչության օգտին քարոզչություն կատարելու մեջ։ Քաղաքապետների պաշտոնանկությունը քննադատել են Թուրքիայի ընդդիամադիր կուսակցությունների ներկայացուցիչները, այդ թվում՝ հայ պատգամավոր Կարո Փայլանը։
