15.10.2026 | 14:22
Երեք ամսից ՌԴ-ն կասի` երկաթուղում ներդրում անո՞ւմ է, թե՞ ոչ. Փաշինյան. ՏԵՍԱՆՅՈՒԹ
«Վարոսյանն ընդդեմ Հայաստանի». փաստաբանը դիմել է ՄԻԵԴ
Հասարակություն
19.09.2017 | 12:16
Փաստաբան Երվանդ Վարոսյանը ֆեյսբուք սոցիալական ցանցում արված իր գրառմամբ տեղեկացնում է, որ ՄԻԵԴ բողոք է ներկայացրել: «2015թ. դեկտեմբերին ՀՀՓ պալատը գտավ, որ ինքը գրաքննող մարմին է, և որ փաստաբանն իրավունք չունի ճղճիմ հոդվածներ պատվիրողներին պնդուկ ուղեղով չորքոտանիների հետ համեմատող ընդհանրական գրառում կատարել սոցիալական ցանցում»,- նշել է նա:
Գրառումն ամբողջությամբ՝ ստորև.
«Վարոսյանն ընդդեմ Հայաստանի…
Երբեք չէի մտածի, որ մի օր էլ իմ անձնական գործով բողոք կներկայացվի եվրոպական դատարան։
Այս գիշեր բարեհաջող կերպով Ստրասբուրգ ուղևորվեց ֆեյսբուքում գրառում կատարելու համար ինձ կարգապահական պատասխանատվության ենթարկելու վերաբերյալ գործով, ոլորտի լավագույն մասնագետ Vahe Grigoryan ի կողմից կազմված բողոքը։ 2015թ. դեկտեմբերին ՀՀՓ պալատը գտավ, որ ինքը գրաքննող մարմին է, և որ փաստաբանն իրավունք չունի ճղճիմ հոդվածներ պատվիրողներին պնդուկ ուղեղով չորքոտանիների հետ համեմատող ընդհանրական գրառում կատարել սոցիալական ցանցում։
Արդեն բոլորին հայտնի պատճառներով որոշման դեմ ներկայացված մեր բողոքները մերժեցին Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Ռուբիկ Ներսիսյանը, ՀՀ վերաքննիչ քաղաքացիական դատարանի դատավորների եռյակը` Արսեն Մկրտչյանի գլխավորությամբ, ապա բնականաբար նաև նորին սուրբ վճռաբեկություն Արման Մկրտումյանը…
Տարիներ անց, կրկին բոլորի մոտ առաջանալու են հարցեր, թե ինչու՞ այսպես, ո՞վ է մեղավոր, ի՞նչ կարիք կար նման կերպ վարվել, դժվար էր արդյոք օրինական լուծումներ գտնել… բայց դա արդեն բոլորովին այլ պատմություն է»,- գրել է փաստաբանը:
