07.10.2026 | 13:24
Մոսկվայում ԱՄՆ դեսպանատունն առողջապահական տագնապ է տարածել՝ ամերիկացիներին կոչ անելով չմեկնել ՌԴ
Լրացված տեղեկություններ 2019 թ. 1-ին կիսամյակում ՀՀ և ԱՀ զինված ուժերում մահացության դեպքերի մասին. ՀՔԱՎ
Հասարակություն
30.07.2019 | 21:56
2019 թ. հուլիսի 10-ին ՀՔԱ Վանաձորի գրասենյակը հրապարակել է 2019 թ. առաջին կիսամյակում ՀՀ եւ ԱՀ/ԼՂ զինված ուժերում զինծառայողների մահացության դեպքերի վերաբերյալ ուսումնասիրության տվյալները։
2019 թ. հուլիսի 10-ի դրությամբ արձանագրել էինք 23 զինծառայողի մահվան դեպք։
Տեղեկանքի հրապարակումից հետո պաշտոնական աղբյուրներից ձեռք են բերվել եւս 6 զինծառայողների մահվան վերաբերյալ տեղեկություններ, որոնց մասին հաղորդագրություններ չեն տարածվել ոչ պաշտոնական աղբյուրներով եւ ոչ էլ զանգվածային լրատվամիջոցներն են անդրադարձել։
Այսպիսով՝ 2019 թ. 1-ին կիսամյակում ՀՀ եւ ԱՀ/ԼՂ զինված ուժերում գրանցվել է 29 զինծառայողի մահվան դեպք։
Հարկ է արձանագրել, որ չհայտարարված 6 մահացության դեպքերից 5-ը պաշտոնապես (ՀՀ գլխավոր դատախազության կողմից) համարվել են զինվորական ծառայության հետ չկապված, իսկ 1-ը՝ կապված։
Հատկանշական է, որ ինքնասպանություն որակված եւ պաշտոնապես «զինվորական ծառայության հետ կապված» դասակարգված դեպքի մասին հաղորդագրություն չի տարածվել ոչ պաշտոնական աղբյուրներով, եւ ոչ էլ զանգվածային լրատվամիջոցներով։
Ըստ ՀՀ գլխավոր դատախազության տվյալների՝ 2019 թ. 1-ին կիսամյակում ՀՀ եւ ԱՀ/ԼՂ ԶՈւ-ում արձանագրված 29 զինծառայողներից 11-ի մահվան դեպքերը կապված են զինվորական ծառայության հետ, իսկ 18-ը՝ ոչ։
Այսպիսով՝ 2019 թ. հունվար-հուլիս ամիսների ընթացքում գրանցվել է մահացության 32 դեպք:
Համեմատության համար նշենք, որ 2018 թ. նույն ժամանակահատվածում գրանցվել է զինծառայողների մահացության 34 դեպք։
Մանրամասները՝ ԱՅՍՏԵՂ
