17.09.2026 | 23:38
Սամվել Կարապետյանի տնային կալանքը երկարաձգվել է
Իջևանում ապօրինի ծառահատումների թիկունքում կանգնածները Ոստիկանության տեսադաշտում են. ՏԵՍԱՆՅՈՒԹ
Հասարակություն
24.07.2019 | 12:19
Ոստիկանապետ Վալերի Օսիպյանն այսօր հրավիրված ասուլիսի ժամանակ անդրադարձավ հուլիսի 17-ին Իջևան քաղաքի դեպքերին: Ըստ ոստիկանապետի՝ այն, ինչ տեղի ունեցավ Իջևանում, դիտվում է որպես անկարգություն և խուլիգանություն, որի հետևանքով իշխանության ներկայացուցչին դիմադրություն ցույց տալու մեղադրանքով հարուցվել են քրեական գործեր:
«Մեր նպատակն էր հայտնաբերել և օրենքի ողջ խստությամբ նրանց քրեական պատասխանատվության ենթարկել։ Բերման ենթարկված է եղել 29 հոգի, որոնցից ձերբակալվել է 13-ը և երկու օր առաջ կալանավորվել է 10 հոգի։ Աշխատանքներն այս ուղղությամբ շարունակվում են, որովհետև մենք ունենք ցանկ, որտեղ ներառված են այն մարդկանց անունները, որոնք այդ օրը խուլիգանություն են իրականացրել, մարմնական վնասվածքներ են հասցրել ոստիկաններին»,- ասաց ոստիկանապետը։
Վերջինի խոսքով՝ Ոստիկանությունն աշխատանքներ է տանում՝ պարզելու համար, թե ովքեր են կանգնած ապօրինի ծառահատումներ կատարող մարդկանց թիկունքում:
«Ոստիկանությունն ունի տեսադաշտում անձանց, նրանց նկատմամբ իրականացվում է օպերատիվ աշխատանք: Իհարկե՝ աննուներ այս պահին չեմ կարող տալ»,- ասաց Վալերի Օսիպյանը։
Մանրամասները՝ տեսանյութում:
Աղավնի Սուքիասյան
