17.11.2024 | 10:29
Միսաք Մեծարենցի անվան թիվ 146 հիմնական դպրոցում գործարկվելու է էլեկտրական շչակ
Հակառակորդը կրակել է Վայոց ձորի Ելփին գյուղի ուղղությամբ. տներից մեկի տանիքը վնասվել է
Քաղաքականություն
17.07.2019 | 13:47
Գիշերը հակառակորդի կողմից կրակոցներ են արձակվել Վայոց ձորի Ելփին գյուղի ուղղությամբ: Ելփինի համայնքապետ Խորեն Ավետիսյանը Factor.am-ի հետ զրույցում տեղեկացրեց, որ կրակոցի հետևանքով գյուղացիներից մեկի տան տանիքն է վնասվել։
«Մոտ հինգ կրակոց է հնչել։ Գյուղացիներից մեկը բաղնիքում է եղել, երբ կրակոց է լսել, իսկ հետո նկատել է, որ տանիքն է վնասվել»,- նշեց Խորեն Ավետիսյանը։
Նրա խոսքով՝ գյուղի ուղղությամբ կրակոցները դեռ հուլիսի 13-ից են սկսվել, ժամը 21:00-ի սահմաններում: Արդյունքում ցորենի արտում հրդեհ է բռնկվել։
ՀՀ Պաշտպանության նախարարության խոսնակ Արծրուն Հովհաննիսյանն իր հերթին Factor.am-ի հետ զրույցում նշեց, որ սահմանամերձ գյուղերում այս պահին իրադրությունը հանգիստ է: Նա վստահեցրեց, որ այս կրակոցները լուրջ անհանգստության պատճառ չպետք է դառնան:
Նելլի Մելքոնյան
