19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Մանվել Գրիգորյանի պաշտպանները 10 միլիոն դրամ գրավի միջնորդություն ներկայացրին
Հասարակություն
09.07.2019 | 12:26
ԱԺ նախկին պատգամավոր Մանվել Գրիգորյանը «Նաիրի» բժշկական կենտրոնում է, ըստ հիվանդանոցից ստացած գրության` նա այսօրվա նիստին չի մասնակցել ելնելով առողջական վիճակից:
Դատարանը թույլատրեց Գրիգորյանի պաշտպան Լևոն Բաղդասարյանին ներկայացնել միջնորդություն Գրիգորյանի խափանման միջոցի վերաբերյալ: Պաշտպանը պնդեց` Գիրգորյանի առողջական վիճակում գրանցվել է վատթարացում և կալանքի հետ համատեղելի չէ վիճակը. «Կամ անձը պետք է տեղափոխվի արտասահման բուժման, կամ կալանքը փոխվի և տնային պայմաններում փորձեն անել հնարավորը: Քննարկեք մեր միջնորդությունը և անհապաղ ազատ արձակեք Մանվել Գրիգորյանին: Կարող եք որպես խափանման միջոց կիրառել տասը միլիոն դրամ գրավը»:
Դատավոր Մնացական Մարտիրոսյանը ընդմիջում հայտարարեց, որպեսզի մեղադրող կողմը ծանոթանա միջնորդությանը:
Հիշեցնենք, որ Մանվել Գրիգորյանը մեղադրվում է 2016թ.-ի ապրիլյան քառօրյա պատերազմի և դրան հաջորդած օրերին Արցախի Հանրապետության սահմանների պաշտպանությունն իրականացնող զինվորականների և կամավորների կարիքները հոգալու նպատակով հատկացված գույքը յուրացնելու համար։ Նրա կինը՝ Նազիկ Ամիրյանը, որն այսօր նույնպես ներկա է դատական նիստին, մեղադրվում է Մանվել Գրիգորյանի որդու՝ Ա․ Գրիգորյանի և քննությամբ չպարզված այլ անձանց հետ նախնական համաձայնությամբ, ապօրինի կերպով հրազեն, ռազմամթերք, ակոսափող հրազենի փամփուշտներ, պայթուցիկ նյութեր ձեռք բերելու, փոխադրելու և իրենց պատկանող տներից մեկում պահելու համար։
Լիլիթ Շաբոյան
