14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Էրդողանն անդրադարձել է Ռուսաստանից S-400 համակարգեր գնելու թեմային
Քաղաքականություն
12.09.2017 | 14:00
Ղազախստան կատարած այցից վերադառնալիս՝ Թուրքիայի նախագահ Ռեջեփ Թայիփ Էրդողանը լրագրողների հետ զրույցում պատասխանել է ռուսական S-400 հակաօդային պաշտպանության զենիթահրթիռային համակարգերի գնման վերաբերյալ հարցերին. փոխանցում է ermenihaber-ը:
Ինչպես տեղեկացնում է թուրքական «Sozcu» կայքը, Էրդողանը վերահաստատել է նշյալ ՀՕՊ համակարգերի գնման շուրջ ռուսական կողմի հետ ձեռք բերված պայմանավորվածությունը և նշել, որ արդեն կատարվել է կանխավճարը:
«Պայմանագիրը կնքվել է մեր գործընկերների հետ, իսկ մնացածը արդեն ընթացքային փուլում է»,- պարզաբանել է Էրդողանը:
Ռուսաստանից ևս Էրդողանի պարզաբանումը հաստատող հայտարարություն է հնչել. ՌԴ նախագահի ռազմատեխնիկական հարցերով խորհրդական Ալեքսանդր Կոժինը նշել է, որ Թուրքիայի հետ կնքված S-400 համակարգերի վաճառքի պայմանագիրը իրագործվելու է: Միևնույն ժամանակ հավելել է, որ Թուրքիայի հետ նման գործարքը լիովին բխում է Ռուսաստանի շահերից և այդ իմաստով հասկանալի են արևմտյան որոշ երկրների քննադատական ռեակցիաները:
