16.12.2025 | 21:45
Նոր պահանջներ Երևանին` TRIPP-ի վերաբերյալ. ինչու Մոսկվան և Թեհրանը խոսեցին միաժամանակ. ՏԵՍԱՆՅՈՒԹ
Իմ կասկածները, որ վեթինգի նախագիծը ԱԺ-ում չի գրվում, կարծես թե, հաստատվում են․ Նաիրա Զոհրաբյան․ ՏԵՍԱՆՅՈՒԹ
Քաղաքականություն
21.06.2019 | 17:30
Վերջին շրջանում մեր լեզվամտածողություն մտավ «վեթինգ» բառը և տևական ժամանակ բոլորս խոսում ենք դրանից, իհարկե, «վեթինգ» բառը մեկ օրով իր դիրքերը զիջեց «բոլոլային», սակայն դա մեկ օրով էր ընդամենը․ դրանից հետո վեթինգը վերականգնեց իր առաջատար դիրքերը։
Այս մասին այսօր Ազգային ժողովում ԲԴԽ անդամի թեկնածուի հարցի քննարկման ժամանակ ասաց «Բարգավաճ Հայաստան» խմբակցության պատգամավոր Նաիրա Զոհրաբյանը՝ նշելով, սակայն, որ «վեթինգ» բառի գործընթացի, մեխանիզմների մասին ինքն անգամ ԲԴԽ անդամ թեկնածուից չկարողացավ տեղեկություն ստանալ։
«Տպավորություն է, որ բոլորս խոսում ենք մի գործընթացի մասին, որի մասին բոլորը լսել են, բայց հստակ չգիտեն ինչի մասին է, և մենք հարգարժան մեծամասնությունից էլ չենք կարողանում ստանալ վեթինգի մասին նախագիծը, հետևաբար կարող ենք ենթադրել, որ այդ նախագիծը այստեղ չի գրվում, կամ գրվում է այնտեղ, որտեղից մենք ակնկալում ենք ստանալ այն գումարները, որոնք պետք է տրվեն դատավորներին, որ նրանք այլևս չլինեն կաշառակեր։ Իմ ողջամիտ կասկածները, որ վեթինգի նախագիծն այս շենքում չի գրվում, կարծես թե, հաստատվում են»,-ասաց Նաիրա Զոհրաբյանը։
Մանրամասները՝ տեսանյութում։
