Մի ռիսկային ենթադրություն կարող եմ անել՝ հաջորդ ընտրություններն ավելի կարևոր են լինելու, քան՝ նախորդը. Պյոտր Սվիտալսկի. ՏԵՍԱՆՅՈՒԹ

«Անցած դեկտեմբերի խորհրդարանական ընտրությունները միջազգային դիտորդական կազմակերպությունների կողմից գնահատվել են շատ դրական: Եվրամիությունն առաջ է նայում, և ես էլ կուզենայի, որ դուք ձեր դափնիների վրա չհանգստանաք՝ որպես հասարակություն, և մտածեք ապագա ընտրությունների մասին: Ես մի ռիսկային ենթադրություն կարող եմ անել, որ հաջորդ ընտրությունները ավելի կարևոր են լինելու, քան նախորդը»,- «Հայաստանում ժողովրդավարական միջավայրի և ընտրական գործընթացների ներառականության մասնակցային գնահատում» թեմայով քննարկմանը ասաց Հայաստանում Եվրոպական պատվիրակության ղեկավար Պյոտր Սվիտալսկին:

Դեսպանը նշեց, որ Հայաստանում ընտրական գործընթացի մասնակից բոլոր կողմերը պետք է մտածեն օրենսդրական փոփոխությունների մասին ավելի վաղ, որպեսզի Եվրոպայում կիրառվող ստանդարտներին օրենսդրությունը համապատասխանեցվի, և պրոցեսը պետք է ներառական լինի՝ ընդգրկվեն քաղհասարակության ներկայացուցիչները:

«Մենք երբեք մեզ չենք պարտադրում, բայց պատրաստ ենք օժանդակել ցանկացած նախաձեռնություն, որ գալիս է ԱԺ-ից կամ Կառավարությունից: Պետք է բարձրացնել կանանց դերը և մասնակցայնությունը, ինչը շատ մեծ օգուտ կլինի Հայաստանի համար: Ներառականություն նշանակում է հասանելիություն ընտրատեղամասերի՝ հաշմանդամություն ունեցող անձանց համար, ինչը նշվել է նաև նախկին ընտրությունների ժամանակ: Դժվարություն կա այս խնդիրը հաղթահարելու գործում: Մյուս կարևոր խնդիրը նախընտրական արշավի և բուն ընտրությունների ֆինանսավորումն է: Շատ կարևոր է նաև ԶԼՄ-ների դերը»,- ասաց Պյոտր Սվիտալսկին:

Մանրամասները՝ տեսանյութում:

Ռոբերտ Աանանյան