14.12.2025 | 17:25
Իրավիճակը ճանապարհներին՝ 17։15-ի դրությամբ
Ես ինձ տեսնում եմ ՔՊ վարչության նախագահի պաշտոնում. Վիլեն Գաբրիելյան. ՏԵՍԱՆՅՈՒԹ
Քաղաքականություն
16.06.2019 | 14:42
Ես ոստիկանության համակարգի էությունը և բնույթը շատ լավ պատկերացնում եմ, և պատկերացնում եմ, թե ինչպիսին պետք է լինի ոստիկանությունը ՀՀ-ում: Այս մասին «Քաղաքացիական պայմանագիր» կուսակցության համագումարի ընդմիջմանը լրագրողների հետ զրույցում ասաց ՔՊ-ական, վարչության անդամի թեկնածու Վիլեն Գաբրիելյանը, որը ֆեյսբուքյան օգտատերերին հայտնի է «Նավակ Ճողող» անվամբ:
Հիշեցնենք, նա օրերս հավակնոտ հայտարարություն էր արել, որ իրեն պատկերացնում է ՀՀ ոստիկանապետի պաշտոնում: Այսօր Վիլեն Գաբրիելյանից հետաքրքրվեցին՝ Ոստիկանության աշխատանքը չի բավարարում իրեն, որ նման հայտարարություն է արել: «Ոստիկանության աշխատանքը չի կարող բավարարել, քանի որ բազմաթիվ թերություններ կան: Հույս ունենք, որ այդ համակարգն ավելի լավ կսկսի աշխատել, ավելի արդյունավետ»:
Դիտարկմանը Վալերի Օսիպյանից դժգոհություններ կան, քանի որ նա նախկինում այս իշխանության ներկայացուցիչների իրավունքներ է ոտնահարել, Վիլեն Գաբրիելյանը պատասխանեց, որ խնդիրն անձերի մեջ չէ: «Խնդիրը համակարգային մտածելակերպի մեջ է, որովհետև ՀՀ ոստիկանությունն այս նոր իրավիճակին չի կարողացել հարմարվել, նոր Հայաստանի ոճին, մտածելակերպին»:
ՔՊ նորընտիր վարչության նախագահի պաշտոնում է նաև Վիլեն Գաբրիելյանի անունը շրջանառվում: Վիլեն Գաբրիելյանը մեզ հետ զրույցում ասաց. «Ես ինձ տեսնում եմ վարչության նախագահի պաշտոնում»:
Մանրամասները՝ տեսանյութում:
Նարեկ Կիրակոսյան
