02.07.2026 | 10:25
Ուրսուլա ֆոն դեր Լայենը ժամանեց Երևան
Մարզպետը փչացրեց ընտրությունները, կարծում եմ՝ պետք է հրաժարական տա. Էդմոն Մարուքյան. ՏԵՍԱՆՅՈՒԹ
Քաղաքականություն
10.06.2019 | 12:33
Կոտայքի մարզպետ Ռոմանոս Պետրոսյանը փչացրեց ընտրությունները և պետք է հրաժարական տա։ Այս մասին այսօր խորհրդարանում լրագրողների հետ զրույցում հայտարարեց «Լուսավոր Հայաստան» խմբակցության ղեկավար Էդմոն Մարուքյանը։
«Աբովյանում քաղաքապետի ընտրություններում գործող քաղաքապետ Վահագն Գևորգյանի հաղթանակում նորմալ իրավիճակից որևէ շեղում չեմ տեսնում։ Ժողովրդավարությունն այն է, որ ժողովուրդն իր քվեարկությամբ որոշում է, թե ով է կառավարելու տվյալ համայնքը»,- ընդգծեց ընդդիմադիր պատգամավորը՝ նկատելով, որ իր համար ավելի մտահոգիչ է ընտրողների մասնակցության ցածր ցուցանիշը։
«Ստացվում է՝ ՀՀ քաղաքացիներն իրենց մեկ ձայնի արժեքը չեն արժևորում այնպես, ինչպես պետք է արժևորեն։ Ինչ վերաբերում է ընտրություններից հետո եղած վիճակին, կարծում եմ, որ դա արդյունք է այն բանի, որ մենք դեռևս ունենք հեղափոխություն-հակահեղափոխություն մոտեցումը։ Որևէ քաղաքի ղեկավարի ընտրություն այլևս պետք չէ կապել հեղափոխության հետ, որովհետև եթե կապում ենք դրա հետ, ասում են՝ տեսաք՝ կրվեց հեղափոխությունը։ Հիմա ովքեր կապում են հեղափոխության հետ, տեսան, որ պետք չէ կապել հեղափոխության հետ մի քաղաքի ընտրությունը»,- ասաց Մարուքյանը:
Մանրամասները՝ տեսանյութում:
Շողիկ Գալստյան
