06.08.2026 | 22:44
Ադրբեջանական բեռնատարների վարորդները Վրաստանում շաբաթներով չեն անցնում մաքսային ստուգումը․ Բաքուն դիմել է Վրաստանի ԱԳՆ-ին
Քննիչ հանձնաժողովը բանակում թիրախ չունի. Անդրանիկ Քոչարյան. ՏԵՍԱՆՅՈՒԹ
Քաղաքականություն
04.06.2019 | 17:36
Ապրիլյան պատերազմի հանգամանքներն ուսումնասիրող ԱԺ քննիչ հանձնաժողովին այսօր անցկացրեց աշխատանքային առաջին նիստը, լրագրողներին նիստից հետո տեղեկացրեց հանձնաժողովի նախագահ Անդրանիկ Քոչարյանը։
«Պլանավորել ենք մեր առաջիկա անելիքների հաջորդականությունը։ Արդյունքում ունենալու ենք մի այնպիսի փաստաթուղթ, որը փարատելու է մինչ այս հասարակության շրջանում եղած բոլոր կասկածները»,- ասաց Անդրանիկ Քոչարյանը՝ նկատելով, որ իրենց հիմնական խնդիրը հասարակության շրջանում բանակի նկատմամբ վստահության վերականգնումն է։
Անդրանիկ Քոչարյանը նաև հայտարարեց, որ նիստերի ընթացքում հանձնաժողով հրավիրված որևէ նախկին և ներկա պաշտոնյային ուղղված քաղաքական հարցադրումներ չպետք է լինեն:
Հիշեցնենք, որ Ազգային ժողովում ապրիլյան պատերազմի հանգամանքներն ուսումնասիրող քննիչ հանձնաժողով ստեղծելու անհրաժեշտության մասին մայիսի 20-ին հայտարարել էր ՀՀ վարչապետ Նիկոլ Փաշինյանը:
Մանրամասները՝ տեսանյութում։
Շողիկ Գալստյան
