18.10.2026 | 16:45
Սպիտակ տունն առաջարկել է ԵՄ-ին ավելացնել ռուսական գազի գնումները, իսկ Ուկրաինային՝ վերսկսել դրա տարանցումը․ NYT
Ի՞նչ հարցեր են քննարկվել Նուր Սուլթանում. պատվիրակությունը մանրամասներ ներկայացրեց. ՏԵՍԱՆՅՈՒԹ
Քաղաքականություն
04.06.2019 | 13:31
Երեք տարվա ընդմիջումից հետո Հայաստան-Ղազախստան բարեկամական խումբն առաջին այցը կատարեց Ղազախստանի Հանրապետություն, ինչը ղազախական կողմը կարևորեց։ Այս մասին այսօր լրագրողների հետ հանդիպմանն ամփոփելով Հայաստան-Ղազախստան բարեկամական խմբի՝ մայիսի 21-24-ը Ղազախստանի մայրաքաղաք Նուր Սուլթան գործուղման արդյունքները՝ ասաց Հայաստան-Ղազախստան բարեկամական խմբի ղեկավար, ԱԺ «Իմ քայլը» խմբակցության պատգամավոր Վաղարշակ Հակոբյանը։
«Այցի շրջանակում քննարկեցինք միջխորհրդարանական հարաբերություններն առավել ակտիվացնելու հարցերը, քննարկվեցին ԵՏՄ շրջանակում բազմապրոֆիլ հարցեր և այն բոլոր խնդրահարույց հարցերը, որոնք ծառացած են մեր երկու երկրների առջև։ Փորձեցինք նոր հիմքի վրա բարձրացնել երկկողմ հարաբերությունները»,- մանրամասնեց պատգամավորը։
Բարեկամական խմբի մեկ այլ անդամ՝ «Բարգավաճ Հայաստան» խմբակցության պատգամավոր Միքայել Մելքումյանն էլ շեշտեց, որ մի շարք կարևոր հարցերի հետ մեկտեղ՝ քննարկվել են առևտրաշրջանառության ծավալների ավելացման և դրա համար այլընտրանքային ճանապարհներ գտնելու խնդիրները։
Մանրամասները՝ տեսանյութում։
Շողիկ Գալստյան
