17.12.2025 | 19:29
«Սևան ստարտափ սամմիթ»-ի հիմնադիրը ՀՀ նախագահին է ներկայացրել նոր սմարթ քաղաքի կառուցման հայեցակարգի վերաբերյալ իր տեսլականը
Քաղաքական դիակները քաղաքականություն չեն կարող վերադառնալ. Տիգրան Ավինյանը՝ Ռոբերտ Քոչարյանի երեկվա հանդիպման մասին. ՏԵՍԱՆՅՈՒԹ
Քաղաքականություն
29.05.2019 | 19:19
Բաշ-Ապարանի միջոցառումներին մասնակցելու հրավեր ես ստացել եմ համայնքապետարանից, որովհետև Ապարանի համայնքապետարանն է կազմակերպում այդ միջոցառումները: Factor.am-ի հարցին՝ ինչպե՞ս է ստացվել, որ նախկին դատախազ Աղվան Հովսեփյանի հետ Հանրապետության տոնին էր մասնակցում, ասաց փոխվարչապետ Տիգրան Ավինյանը:
«Ենթադրում եմ, որ «Նիգ-Ապարան» ՀԿ-ն, որի նախագահն է Աղվան Հովսեփյանը, համաֆինանսավորում կամ աջակցում է կազմակերպչական աշխատանքներին: Ես այնտեղ ունեի հյուրի կարգավիճակ»,- ասաց փոխվարչապետը:
Factor.am-ի հստակեցնող հարցին՝ նախապես տեղյակ եղե՞լ է, որ Աղվան Հովսեփյանն էլ է այնտեղ լինելու, Տիգրան Ավինյանը բացասական պատասխան տվեց: Նա, միաժամանակ, ասաց, որ ենթադրել էր, որ Աղվան Հովսեփյանը պետք է ներկա լիներ:
«Ինձ հետ նկարվելը կամ իմ կողքին կանգնելը չի նշանակում, որ մարդիկ կարող են ինչ-որ հարցերի շուրջ քաղաքական ապաստաններ ստանալ»,- հավելեց նա:
Անդրադառնալով հարցին, որ Ռոբերտ Քոչարյանը երեկ հանդիպել է իր աջակիցների հետ և պատրաստվում է քաղաքականություն վերադառնալ, Տիգրան Ավինյանն ասաց. «Քաղաքական դիակները քաղաքականություն չեն կարող վերադառնալ»:
Մանրամասները՝ տեսանյութում:
Նարեկ Կիրակոսյան
