19.10.2026 | 20:33
Բաքուն թուրքական ԶԼՄ-ներին մեղադրել է կողմնակալության, Ադրբեջանի մասին ապատեղեկատվություն տարածելու մեջ
Որպես ընդդիմադիր լիդեր՝ Ռոբերտ Քոչարյանը պիտանի չէ. Վիգեն Հակոբյան. ՏԵՍԱՆՅՈՒԹ
Քաղաքականություն
24.05.2019 | 17:22
«Ռոբերտ Քոչարյանի ազատ արձակումը ՀՀ ներքաղաքական կյանքում նոր քաղաքական օրակարգեր ձևավորեց։ Հարցը նրանում է, թե դատարանի որոշումն արդյո՞ք այդքան անսպասելի էր իշխանության և վարչապետի համար։ Ինձ համար կասկածելի է, որ վարչապետի համար այդ աստիճան անսպասելի էր»,- այսօր լրագրողների հետ հանդիպմանը նման տեսակետ հայտնեց քաղտեխնոլոգ Վիգեն Հակոբյանը։
Նրա կարծիքով՝ իշխանություններն իրականությունից կտրվեն են. «Տեսե՛ք, վարչապետն ասում է, որ եթե այսօր էլ ընտրություններ լինեին, իրենք ավելի շատ ձայն կհավաքեին: Սա առնվազն միանշանակ չի»։
Անդրադառնալով Ռոբերտ Քոչարյանին՝ քաղտեխնոլոգն ասաց, որ, իր կարծիքով, ո՛չ Արցախում, ո՛չ էլ Հայաստանում Քոչարյանն ամենասիրված գործիչը չէ: «Ես միշտ ասել եմ, հիմա էլ եմ ասում, որ որպես ընդդիմադիր լիդեր՝ Քոչարյանը պիտանի չէ»,- ասաց Վիգեն Հակոբյանը։
Մանրամասները՝ տեսանյութում:
