07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Ինչո՞ւ է Վիգեն Սարգսյանը տևական ժամանակով հեռանում Հայաստանից
23.04.2019 | 13:16
Հայաստանի պաշտպանության նախկին նախարար, Հանրապետական կուսակցության առաջին փոխնախագահ Վիգեն Սարգսյանը մեկնում է Ամերիկայի Միացյալ Նահանգներ: Հանրապետական կուսակցության նախընտրական ցուցակը գլխավորած գործիչը Հայաստանից հեռանում է՝ ԱՄՆ-ում ուսանելու նպատակով։ Նրա ուսումնառությունը տևելու է մեկ տարի:
Factor.am-ին փոխանցված տեղեկությունը մեզ հետ զրույցում հաստատեց նաև Վիգեն Սարգսյանը: «Այդ տեղեկությունները ճիշտ են, բայց ես մի քանի օրից այդ մասին հայտարարելու եմ»,- ասաց նա:
Վիգեն Սարգսյանը Իրավունքի և դիվանագիտության արվեստների մագիստրոս է: 1998-2000 թվականներին սովորել է ԱՄՆ-ի Իրավունքի և դիվանագիտության Ֆլետչեր դպրոցում, Թաֆթս և Հարվարդի համալսարաններում:
Factor.am-ը Վիգեն Սարգսյանից հետաքրքրվեց՝ նույն մասնագիտությա՞մբ է շարունակելու հմտանալ, թե՝ այլ: «Այլ մասնագիտություն է, որի մասին առաջիկայում կհայտարարեմ»: Հիշեցնենք, որ Վիգեն Սարգսյանը վերջին երկու խորհրդարանական ընտրություններում գլխավորում էր ՀՀԿ նախընտրական ցուցակը։ 2018 թվականի նոյեմբերից նա զբաղեցնում է «Լույս» հիմնադրամի գործադիր տնօրենի պաշտոնը:
Նարեկ Կիրակոսյան
