08.12.2025 | 23:14
Վերջնական որոշում չկա. Բայրամովը՝ Ադրբեջանի կողմից Գազա զորակազմ ուղարկելու մասին
Շըրնաքում քրդերի հարձակման հետևանքով կան զոհեր
Քաղաքականություն
28.08.2017 | 20:20
Օգոստոսի 28-ին առավոտյան Թուրքիայի Շըրնաք նահանգի Ուլուդերե շրջանում «Քուրդիստանի բանվորական կուսակցության» (ՔԲԿ-PKK) զինյալների հարձակման հետևանքով ճանապարհային շինարարական աշխատաքներ իրականացնող բանվորներ են զոհվել. փոխանցում է ermenihaber-ը:
«Հյուրիյեթ»-ի պնդմամբ քուրդ զինյալների կողմից սպանվել է 3 բանվոր: ՔԲԿ-ականներին հայտնաբերելու և վնասազերծելու համար տարածքում լայնմասշտաբ գործողություն է սկսվել:
Հարձակման և թուրքական կողմի կորուստների վերաբերյալ հայտարարություն է արել նաև Շըրնաքի նահանգապետարանը:
Նշենք, որ 1978թ. նոյեմբերի 27-ին ստեղծված PKK-ն այժմ Թուրքիայում համարվում է ահաբեկչական կազմակերպություն: Նրա դեմ գործողությունները ընթանում են թե երկրի ներսում, թե երկրից դուրս՝մասնավորապես Հյուսիսային Իրաքում, որտեղ էլ գտնվում է քուրդ զինյալների գլխավոր ռազմաբազան՝Քանդիլը:
