19.10.2026 | 20:33
Բաքուն թուրքական ԶԼՄ-ներին մեղադրել է կողմնակալության, Ադրբեջանի մասին ապատեղեկատվություն տարածելու մեջ
Շատ սուբյեկտներ մոլորության մեջ են գցում քաղաքացիներին և մեծ վարկային տոկոսներ վերցնում․ Արկադի Խաչատրյան․ ՏԵՍԱՆՅՈՒԹ
Քաղաքականություն
18.04.2019 | 13:32
Ազգային ժողովի «Լուսավոր Հայաստան» խմբակցության պատգամավոր Արկադի Խաչատրյանը վստահեցնում է, թեև իրենց խմբակցության ներկայացրած «Վարչական իրավախախտումների վերաբերյալ օրենսգրքում լրացում կատարելու մասին» օրենքի նախագիծը ամբողջապես չի կարգավորում ֆիզիկական անձանց և լիցենզիա չունեցողների կողմից վարկերի տրամադրման վերաբերյալ գովազդների տարածումը, սակայն խոչընդոտում է նրանց ազատ գործունեությունը և կարգավորում ու հստակեցնում նաև միջնորդների գործունեությունը։
«Միջնորդների գործունեությունը այս ոլորտում ապօրինի չէ, եթե չի հակասում օրենքին, հետևաբար, եթե միջնորդը գործում է բանկի կամ վարկային կազմակերպության անունից, ապա դա նշանակում է լիցենզիայով տրված լիազորությունների փոխանցում այլ անձի, ինչը արգելված է օրենքով: Հետևաբար նա չի կարող գործել ֆինանսական կազմակերպության անունից: Ուստի օրինական կարող է համարվել այն միջնորդային գործունեությունը, որն արվում է հաճախորդի անունից և հաշվին»,- ասաց նա։
Պատգամավորը նաև նշեց, որ վարկերի տրամադրման գովազդների քողի տակ շատ սուբյեկտներ իրականացնում են ապօրինի գործունեություն՝ մոլորության մեջ գցելով քաղաքացիներին և մեծ տոկոսներ վերցնելով:
Մանրամասները՝ տեսանյութում:
Աղավնի Սուքիասյան
