14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Մալաթիա-Սեբաստիա և Շենգավիթ վարչական շրջաններում դիմավորել են զորացրված զինծառայողներին
25.08.2017 | 15:51
Երևանի քաղաքապետ Տարոն Մարգարյանի հանձնարարությամբ Երևանի քաղաքապետի տեղակալ Դավիթ Օհանյանը ներկա է գտնվել Մալաթիա-Սեբաստիա և Շենգավիթ վարչական շրջանների զորացրվածների դիմավորման արդեն ավանդական դարձած խորհրդանշական միջոցառմանը:
Ողջունելով 2016թ. ապրիլին առաջնագծում ռազմական գործողություններին մասնակցած և արդեն զորացրված զինծառայողներին՝ քաղաքապետի տեղակալ Դավիթ Օհանյանը նշել է, որ դիմավորման միջոցառումը բանակ-հասարակություն կապի ամրապնդմանն ուղղված Երևանի քաղաքապետարանի կողմից իրականացվող ծրագրերից մեկն է: Քաղաքապետի տեղակալը հիշեցրել է նաև, որ արդեն 5-րդ տարին անընդմեջ Երևանի քաղաքապետ Տարոն Մարգարյանի նախաձեռնությամբ կազմակերպվում են երևանաբնակ զինծառայողների ծնողների այցելությունները սահմանամերձ զորամասեր՝ տեսակցելու իրենց որդիներին, ինչը լինելու է շարունակական:
«Շահումյան» տարածքի զինվորական կոմիսարիատում տեղի ունեցած միջոցառմանը ներկա են եղել նաև Մալաթիա-Սեբաստիա վարչական շրջանի ղեկավար Արտակ Ալեքսանյանը, տարածքի զինվորական կոմիսար գնդապետ Ռոմիկ Մարգարյանը, զինվորականներ, պաշտոնյաներ, ծնողներ և հարազատներ: Միջոցառման ժամանակ 2016թ. ապրիլյան քառօրյային մասնակցած զինծառայողների պատվին բացվել է «Մեր ժամանակի հերոսը» խորագրով փառքի պատ:
ՀՀ ԶՈւ հզորացմանն ու զորահավաքային պատրաստականության ամրապնդմանն աջակցելու և մշտապես զինկոմիսարիատների կողքին լինելու համար Երևանի քաղաքապետի տեղակալ Դավիթ Օհանյանը, Մալաթիա-Սեբաստիա վարչական շրջանի ղեկավար Արտակ Ալեքսանյանը և «Երևանի ավտոբուս» ՓԲԸ տնօրեն Էլբակ Թարփոշյանը ՀՀ զինվորական կոմիսար, գեներալ-մայոր Հենրիկ Մուրադյանի անունից ստացել են շնորհակալագրեր:
