03.09.2026 | 18:08
Որևէ անձնական, ընտանեկան կամ գործարար կապ չունեմ Փաշինյանների հետ․ Նարեկ Նալբանդյան
Ասանժի հայրենիքում չեն պատրաստվում սատարել նրան. գործով դատալսումները տեղի կունենան մայիսի 2-ին
Քաղաքականություն
12.04.2019 | 11:22
Լոնդոնում ձերբակալված WikiLeaks-ի հիմնադիր, ավստրալացի Ջուլիան Ասանժը չի կարող առանձնահատուկ վերաբերմունքի հույս ունենալ և նույնպիսի աջակցություն կստանա, ինչ Ավստրալիայի մյուս քաղաքացիները: ՏԱՍՍ-ի փոխանցմամբ՝ այս մասին գրում է ABC-ի եթերում հայտարարել է Ավստրալիայի վարչապետ Սքոթ Մորիսոնը:
«Ասանժն Ավստրալիայի կառավարությունից նույնպիսի աջակցություն կստանա, ինչ արտերկրում դժվար կացության մեջ հայտնված ցանկացած այլ քաղաքացի: Նրա հանդեպ ոչ մի առանձնահատուկ վերաբերմունք չի լինի: Երբ ավստրալացիներն արտերկիր են մեկնում և օրենքի հետ խնդիրներ են ունենում, նրանք բախվում են այդ երկրների դատական համակարգերի հետ: Ջուլիան Ասանժի արտահանձնման գործը վերաբերում է միայն ԱՄՆ-ին և մեզ հետ ոչ մի առնչություն չունի»,- ասել է Մորիսոնը:
WikiLeaks-ի հիմնադիրը ձերբակալվեց նախօրեին Լոնդոնում, երբ Էկվադորը հրաժարվեց նրան դիվանագիտական ապաստան տրամադրել: Ասանժին ձերբակալեցին 2012 թվականին տրամադրված ծանուցագրի հիման վրա՝ բրիտանական դատարան չներկայանալու համար: Միաժամանակ, նրան մեղադրանքներ են առաջադրել Շվեդիան (բռնաբարության համար) և ԱՄՆ-ն (նախկին զինվորականների հետ դավադրության և նրանց կողմից հափշտակված ծառայողական փաստաթղթերը հրապարակելու համար):
Էկվադորի նախագահ Լենին Մորենոն, հիշեցնենք, հայտարարել է, որ բրիտանական իշխանությունները խոստացել են Ջուլիան Ասանժին չարտահանձնել որևէ երկիր, որտեղ նրան կարող է մահապատիժ կամ խոշտանգում սպառնալ:
Ասանժի գործով լսումները կանցկացվեն մայիսի 2-ին: Մինչև հունիսի 12-ն էլ ԱՄՆ-ն պետք է Մեծ Բրիտանիային ներկայացնի արտահանձնման համար անհրաժեշտ բոլոր փաստաթղթերը:
Ասանժի պաշտպանական խումբը մտավախություն ունի, որ ԱՄՆ-ին արտահանձնելու դեպքում նրան կարող է մինչև 35 տարի ժամկետով ազատազրկում կամ մահապատիժ սպառնալ, մինչդեռ ԱՄՆ արդարադատության նախարարությունը պնդում է, որ նրան 5 տարվա բանտարկություն է սպառնում հաքերային գործունեության համար:
