08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
ԱՄՆ-ը կավելացնի Ուկրաինային օգնությունը մինչև Թրամփի պաշտոնավարումը․ Բլինքեն
Քաղաքականություն
13.11.2024 | 22:32
ԱՄՆ պետքարտուղար Էնթոնի Բլինքենը խոստացել է Կիևին փոխանցել «յուրաքանչյուր դոլարը», որը Վաշինգտոնի տրամադրության տակ է, քանի դեռ Միացյալ Նահանգների ընտրված նախագահ Դոնալդ Թրամփը չի եկել իշխանության, գրում է DW-ի ռուսական ծառայությունը։
«Վաշինգտոնը կշարունակի հիմնվել այն ամենի վրա, ինչ մենք անում ենք Ուկրաինայի համար, որպեսզի ապահովի իր արդյունավետ պաշտպանությունը ռուսական ագրեսիայից»,- ասել է Բլինքենը լրագրողներին ՆԱՏՕ-ի կենտրոնակայանում՝ թվարկելով ռազմական օգնության այնպիսի տարրեր, ինչպիսիք են հակաօդային պաշտպանությունը, հրետանին և զրահատեխնիկան:
Բրյուսելում նա երկկողմ հանդիպում է անցկացրել ՆԱՏՕ-ի գլխավոր քարտուղար Մարկ Ռյուտեի, ինչպես նաև դաշինքի ղեկավարության հետ, որի ժամանակ քննարկվել է Ուկրաինային հետագա աջակցությունը։
Դաշնակիցների այս հանդիպման նպատակը, ըստ Բլինքենի, ուժերը միավորելն էր, որպեսզի «Ուկրաինան ունենա բավականաչափ փող, զինամթերք և մոբիլիզացված զորքեր 2025 թվականին արդյունավետ պայքարելու կամ ուժի դիրքերից խաղաղության շուրջ բանակցություններ վարելու համար»:
Թարգմանությունը՝ Տաթև Ֆռանգյանի
