02.04.2026 | 10:38
Այց «Եռաբլուր»՝ քառօրյա պատերազմի տարելիցի կապակցությամբ. ՈՒՂԻՂ
1 մլն 400 հազար դոլար` հրապարակն Ամանորին պատրաստելու համար. ովքեր են շահել մրցույթում. ՏԵՍԱՆՅՈՒԹ
Քաղաքականություն
13.11.2024 | 23:24
Ավելի քան մեկ շաբաթ է, ինչ Հանրապետության հրապարակում մեկնարկել են Ամանորի տոնակատարությունների նախապատրաստական աշխատանքները։ Արդեն տեղադրվում է գլխավոր տոնածառը, և ձևավորվում են հուշարձան-շենքերը։ Factor TV-ն ուսումնասիրել է պայմանագրերը և պարզել՝ ովքեր են այս տարի իրականացնում այդ աշխատանքներն ու որքան գումար է ծախսվում Երևանի բյուջեից։
Մենք արձանագրել ենք, որ պայմանագրերը հրապարակվել են աշխատանքների մեկնարկից ավելի քան մեկ շաբաթ անց, թեև գնումների մասին օրենքը պահանջում է դրանք հրապարակել մեկօրյա ժամկետում։ Այս տարի, ի տարբերություն նախորդ տարիների, քաղաքային իշխանությունը ոչ թե մեկ անձից է գնում արել, այլ մրցույթ է հայտարարել։
Factor TV-ն պայմանագրերի ուսումնասիրությամբ պարզել է՝ մրցույթի նախաորակավորման ընթացակարգին հայտ է ներկայացրել 5 ընկերություն՝ «Բեգրաունդ Փրոդաքշն», «Սինեմարտ», «Ֆակտորի Փրոդաքշն», «Վոլտ Ամպեր» և «Բրիդջ» ՍՊԸ։ «Վոլտ Ամպեր»-ի հայտում հանձնաժողովի անդամներն անհամատասխանություն են արձանագրել, իսկ մյուս մասնակիցների հետ միաժամանակյա բանակցություններ են անցկացվել։
Երկրորդ փուլի հայտերի բացմանը հետաքրքիր զուգադիպությամբ մասնակցել են միայն «Ֆակտորի Փրոդաքշն» ՍՊԸ-ն ու «Սինեմարտ»-ը։ Ընդ որում, ուշագրավ է նաև այն, որ ընկերությունները գնառաջարկներ ներկայացրել են ոչ թե նույն լոտի համար, այլ տարբեր։ Առերևույթ կարող է ստացվել, որ նրանք ունեցել են ներքին պայմանավորվածություն։ Ի դեպ, «Ֆակտորի Փրոդաքշն»-ը ներկայացրել է հենց այն չափով գնառաջարկ, որքան Երևանի քաղաքապետարանը նախատեսել է մրցույթով։ Հարց է առաջանում՝ ընկերությունն ինչպե՞ս կարող էր իմանալ, որ այդ գնառաջարկից ավելի ցածր առաջարկներ չեն լինելու։
Այսպես՝ 340 միլիոն դրամի դիմաց «Ֆակտորի Փրոդաքշն» ընկերությունը իրականացնելու է Հանրապետության հրապարակի երգող շատրվանների տարածքի ամանորյա ձևավորումը, սուրբծննդյան տոնավաճառի կազմակերպման աշխատանքները, և գլխավոր տոնածառի լույսերի վառման արարողության աշխատանքների կազմակերպումը, իսկ 209․706․000 մլն դրամի դիմաց «Սինեմարտ» ընկերությունն իրականացնում է ամանորյա լուսավորության ձևավորման աշխատանքներ։
Հայտարարված մրցույթի առաջին չափաբաժնի համար, այն է՝ Հանրապետության հրապարակի գլխավոր տոնածառի ճյուղերի և զարդարանքի պարագաների մատակարարում, որևէ հայտ չի ներկայացվել․ Factor TV-ի տեղեկություններով՝ քաղաքապետարանը հրատապության հիմքով այս ծառայությունը ձեռք կբերի մեկ անձից․ թե որ ընկերությունից՝ դեռ հայտնի չէ։
Ի դեպ, մրցույթի հանձնաժողովի կազմում ավագանու ընդդիմադիր «Մայր Հայաստան» և «Ազգային առաջընթաց» խմբակցություններից անդամներ չեն եղել։
Մանրամասները՝ տեսանյութում։
Արփի Հակոբյան
