09.10.2026 | 18:50
ՔՊ-ականներ, նախկին ՀՀԿ-ականներ ու անկուսակցականներ․ Լոռու համայնքապետերի քաղաքական ուղին
Երևան-Գյումրի արագընթաց էլեկտրագնացքի չվերթը չեղարկվել է Նիկոլ Փաշինյանի Գյումրի մեկնելու պատճառով
04.04.2019 | 19:10
Նիկոլ Փաշինյանի վաղը Գյումրի կատարելիք այցի պատճառով չեղարկվել է Երևան-Գյումրի արագընթաց գնացքի մեկնումը:
Տեղեկությունը Factor.am-ի հետ զրույցում հաստատեց «Հարավկովկասյան երկաթուղի» ՓԲԸ-ի մամուլի խոսնակ Ռուբեն Գրձելյանը:
«Գիտեք, որ վաղը վարչապետի այցն է Գյումրի լինելու, այդ ժամին մեկնում ունեինք, որը չեղարկվել է: Միայն առավոտվանն է չեղարկվել: Վարչապետի այցի հետ կապված մի չվերթը հանվում է»,- ասաց նա:
Հարցին՝ նախապես տոմսեր վաճառվե՞լ էին, մամուլի խոսնակը բացասական պատասխան տվեց:
Հիշեցնենք, որ այսօր «Հարավկովկասյան երկաթուղի» ՓԲԸ-ն հայտարարել էր, որ տեխնիկական պատճառներով չեղարկվում է ապրիլի 5-ին՝ ժամը 09:40-ին Երևանի երկաթուղային կայարանից մեկնող Երևան-Գյումրի արագընթաց գնացքի մեկնումը:
«Երևան-Գյումրի-Երևան երթուղու այլ արագընթաց էլեկտրագնացքները, որոնք մեկնում են Գյումրիից 09:05 և 17:10 ու 17:15-ին՝ Երևանից, աշխատելու են առանց փոփոխությունների: Անփոփոխ է մնում նաև արագընթաց էլեկտրագնացքների՝ ապրիլի 6-7-ի չվացուցակը»,- ասված էր հայտարարության մեջ:
Ավելի վաղ տեղեկացրել էինք, որ Նիկոլ Փաշինյանն աշխատանքային այցով մեկնում է Գյումրի:
Նարեկ Կիրակոսյան
