09.11.2026 | 11:45
Ուկրաինան հարձակվել է Լենինգրադի մարզի վրա․ ՌԴ խոշորագույն նավթավերամշակման գործարաններից մեկում հրդեհ է բռնկվել. ՏԵՍԱՆՅՈՒԹ
Վարչապետը վաղը գնացքով Գյումրի է մեկնելու. այցի նպատակը հայտնի է
Քաղաքականություն
04.04.2019 | 16:22
Վարչապետ Նիկոլ Փաշինյանը վաղը՝ ապրիլի 5-ին, Գյումրի է մեկնելու: Տեղեկությունը մեզ հետ զրույցում հաստատեց վարչապետի մամուլի խոսնակ Վլադիմիր Կարապետյանը:
Վարչապետի այցն աշխատանքային է: Վարչապետի աշխատակազմի մամուլի ծառայությունից տեղեկացրեցին, որ Նիկոլ Փաշինյանը վաղն առավոտյան գնացքով մեկնելու է Գյումրի, բայց մինչ այդ մասնակցելու է միջոցառման «Սասունցի Դավիթ» կայարանում:
Նիկոլ Փաշինյանի՝ Գյումրի այցի նպատակը տուրիզմի խթանման նպատակով ենթակառուցվածքներն ուսումնասիրելն է: Նա այցելելու է «Շիրակ» օդանավակայան, Գյումրու քաղաքային ավտոկայան, ավտոկայանին հարակից տնակային թաղամաս, լինելու է նաև «Չերքեզի ձոր» կոչվող ձկան արտադրամասում: Վերջում Նիկոլ Փաշինյանը քայլելու է քաղաքի Տիգրան Մեծ պողոտայում:
Նարեկ Կիրակոսյան
