09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Փայլանի պատասխանը Անկարայի քաղաքապետի հայատյաց ելույթին
Քաղաքականություն
23.08.2017 | 11:26
Թուրքիայի քրդամետ ընդդիմադիր «Ժողովուրդների դեմոկրատական» կուսակցության (ԺԴԿ-HDP) հայ պատգամավոր Գարո Փայլանը խիստ գրառմամբ արձագանքել է Անկարայի քաղաքապետ Մելիհ Գյոքչեքի հերթական հայատյաց ելույթին. փոխանցում է ermenihaber-ը:
Անկարայի քաղաքապետը Twitter-ի իր միկրոբլոգում կատարած մի գրառմամբ վիրավորել էր թուրքական ծագմամբ գերմանացի պատգամավոր, «Կանաչների» համանախագահ Ջեմ Օզդեմիրին, ով հայտնի է որպես Հայոց ցեղասպանության ճանաչման ջատագով և աչքի է ընկնում թուրքական կառավարության նկատմամբ խիստ քննադատական մոտեցմամբ: Կիսվելով Օզդեմիրի նկարով՝ Գյոքչեքը նրան անվանել էր «հայի սպասավոր» , «դավաճան»:
Պատասխանելով Մելիհ Գյոքչեքի գրառմանը՝ Փայլանը մասնավորապես գրել է. «Օզդեմիրը պատմության մեջ կմտնի որպես Թուրքիայի հպարտություն: Իսկ դու՝ որպես ռասիստ, ֆաշիստ, անարգ»:
