03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
ԵՏՄ-ն Ռուսաստանի քաղաքական նախագիծը չէ. ՌԴ առաջին փոխվարչապետի հայտարարությունը
Քաղաքականություն
22.08.2017 | 15:07
Եվրասիական տնտեսական միությունը ՌԴ-ի քաղաքական նախագիծը չէ, նախագծի հիմքը տնտեսական ինտեգրումն է. հայտարարել է Ռուսաստանի առաջին փոխվարչապետ Իգոր Շուվալովը «Իսիկ-Կուլ-2017» տնտեսական համաժողովի ժամանակ. հայտնում է ria.ru-ն:
«Աշխարհում և միության ներսում շատերը մինչև վերջ չեն հասկանում, թե դա ինչ միավորում է և հակված են մեզ պարտադրելու միության՝ որպես քաղաքական նախագծի, իրենց պատկերացումները, և ասում են, որ դա Ռուսաստանի Դաշնության քաղաքական նախագիծն է: Կարող եմ միայն ասել, որ նախագիծը ծնունդ է առել Ղազախստանի նախագահ Նուրսուլթան Նազարբաևի նախաձեռնությամբ: Այդ պատճառով ցանկացած շահարկում այն առնչությամբ, թե դա պարտադրված է Ռուսաստանի կողմից կամ որ այդ նախագծի հիմքը քաղաքական է, սուտ է»,- ասել է նա :
Բացի այդ, Շուվալովը պատմել է առևտրային համաձայնագրերի հարցով առանձին երկրների հետ բանակցությունների մասին: Նրա խոսքով՝ Իրանի հետ ազատ առևտրի գոտու ստեղծման գործընթացը «բարդ» է, սակայն «հարկավոր է հնարավորինս արագ ավարտել բանակցությունները»:
