30.03.2026 | 16:12
Ընտրակաշառք են տվել՝ աշխատավարձի տեսքով․ ըստ ՀԿԿ-ի՝ «Ուժեղ Հայաստան» կուսակցության օգտին քվեարկելու համար ․ ՏԵՍԱՆՅՈՒԹ
Եթե այսօրվա երթին մասնակցող քաղաքացիների բազմամարդությունը չլինի, Ռոբերտ Քոչարյանի գողացած փողերն աշխատելու են. Արամ Մանուկյան. ՏԵՍԱՆՅՈՒԹ
Քաղաքականություն
01.03.2019 | 20:35
ԱԺ ՀԱԿ խմբակցության քարտուղար Արամ Մանուկյանը շնորհակալ է ժողովրդին, որ այսօր մասնակից դարձավ Մարտի 1-ի զոհերի հիշատակին նվիրված երթին։
«Այս հարցը ՀՔԾ-ում, Ոստիկանությունում և Կառավարությունում չէ, որ պետք է լուծվի։ Այս հարցը պետք է լուծվի ժողովրդի մասնակցությամբ և այս հետևողականությամբ, որովհետև եթե այսօրվա երթին մասնակցող քաղաքացիների բազմամարդությունը չլինի, եթե ժողովրդի այս տրամադրվածությունը չլինի, Ռոբերտ Քոչարյանի գողացած փողերն աշխատելու են, եթե այս տրամադրվածությունը չլինի, այդ լրատվամիջոցներն ու առնված փաստաբաններն իրենց սև գործը շարունակելու են և Մարտի 1-ի գործի բացահայտմանը կարելի է հասնել համաժողովրդական ճնշման և աջակցության արդյունքում։ Աջակցություն է պետք այն քննիչներին, որոնք այս գործը տանում են»,- ասաց Արամ Մանուկյանը։
Վերջինիս խոսքով՝ Մարտի 1-ի գործը սովորական քրեական գործ չէ, սա սովորական հանցագործություն չէ։ «Մեր ժողովրդի արժանապատվությանը կպել են, մեր ժողովուրդը պետք է ստիպի էս իշխանություններին, քննիչներին, մաքրել այդ խարանը։ Այսօրվա իշխանության կամքն ու ներողությունը զոհերի հարազատներից, այդ ճանապարհն է։ Մենք գոհ ենք այս իրավիճակից, որովհետև սա շանս է տալիս բացահայտել Մարտի 1-ը»,- ասաց Արամ Մանուկյանը՝ շեշտելով․ «Բոլոր «հերոսները», որոնք հորջորջվում են քաղաքական բանտարկյալներ, պետք է փտեն բանտերում»։
Մանրամասները՝ տեսանյութում։
Աղավնի Սուքիասյան
