16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Կարծում եմ՝ թյուր ինֆորմացիա է ներկայացված Մարտի 1-ի իրադարձությունների մասին. ԿԳ նախարար. ՏԵՍԱՆՅՈՒԹ
Հասարակություն
27.02.2019 | 15:41
ԿԳ նախարար Արայիկ Հարությունյանն Ազգային ժողովում լրագրողների հետ զրույցում դժվարացավ նշել, թե Կառավարության կառուցվածքի փոփոխությունների նախագիծը ե՞րբ է գալու խորհրդարան: Նախնական տեղեկություններով՝ այն չկա նաև առաջիկա քառօրյա նիստերի օրակարգում:
Հարցին էլ՝ արդեն պա՞րզ է՝ քանի՞ աշխատող է կրճատվելու նախարարությունների օպտիմալացումների արդյունքում, Արայիկ Հարությունյանը պատասխանեց. «Կրճատումներ ըստ էության չեն լինելու: Միավորումները լինելու են, հետո մենք նայելու ենք, թե ներսում ինչ գործառույթներ կան, որքան մասնագետներ են անհրաժեշտ, նոր կորոշվի»:
Անդրադառնալով հարցին, որ 2008 թ. Մարտի 1-ի իրադարձությունները խեղաթյուրված են ներկայացված պատմության դասագրքերում, նախարարն ընդգծեց. «Իմ հրամանով հանձնաժողով է ստեղծվել։ Հիմա քննարկում է գնում այդ ուղղությամբ։ Կարծում եմ՝ որոշակի լուծումներից հետո նրանք այդ եզրակացությունը կներկայացնեն»:
ԿԳ նախարարը շեշտեց, որ անձամբ չի ուսումնասիրել հարցը, իսկ խնդիրն ծանոթ է հրապարակումներից: «Կարծում եմ՝ թյուր ինֆորմացիա է ներկայացված Մարտի 1-ի իրադարձությունների մասին»,- իր անձնական տեսակետը հայտնեց նախարարը։ Ինչ վերաբերում է դպրոցական առարկայացանկից շախմատը հանելու հետ կապված մտահոգություններին, Արայիկ Հարությունյանը ևս մեկ անգամ նշեց, որ այս առարկան դպրոցական ծրագրում կպահպանվի:
Մանրամասները՝ տեսանյութում:
Նարեկ Կիրակոսյան
