03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Պարոն Օսիպյանն եկավ առանց պագոնների, մենք զարմացանք. տուժող
Հասարակություն
20.02.2019 | 12:48
Երևանի ընդհանուր իրավասության դատարանի Շենգավիթի նստավայրում «Սասնա ծռերի» 10 անդամի գործով, դատարանում ցուցմունք տվեց տուժող ոստիկաններից Վլադիմիր Սիրեկանյանը։
Նա դատարանին հայտնեց, որ գնդի ներսում հերթապահություն իրականացնելիս է եղել, երբ ձայն է լսել, մտածել է՝ վթար է տեղի ունեցել. «Գնդի ներսում էի գտնվում, մեքենայի հարվածի ձայն լսեցի, կարծեցի՝ վթար էր։ Եկան, ձեռքերս կապկպեցին, տարան։ Տարան հանգստի սենյակ, մյուս ոստիկաններին բերեցին սենյակ, ճնշումս բարձրացավ, հետո ինձ տարան հիվանդանոց։ Իմ մոտ զենք կար, ես թաքցրել էի բատինկայիս մեջ, հետո դրել եմ սեյֆի մեջ։ Ձեռքներս կապած մնացինք, պարոն Օսիպյանը նկատեց, որ իմ ճնշումը բարձրացավ։ Ինքը առաջարկեց, որ ինձ տանեն հիվանդանոց։ Այդ պահին պարոն Փաշինյանը նկարահանում էր, վիդեո կա, կարաք նայեք»։
Նա նշեց, որ կապկպված վիճակում է եղել, երբ իրենց մոտ է եկել այն ժամանակ Երևանի փոխոստիկանապետ Վալերի Օսիպյանը. «Մենք սենյակում էինք, պարոն Օսիպյանն եկավ առանց պագոնների, մենք զարմանցանք, թե ոնց եկավ էդտեղ»։
Նա նշեց՝ կոչեր լսել է, մասնավորապես՝ նախագահի հրաժարականի և Ժիրայր Սեֆիլյանի ազատ արձակման պահանջով։ Տուժողը դատարանին նաև հայտնեց, որ մեքենայում 114 հազար դրամ գումար է ունեցել, որը կորել է։
Լիլիթ Շաբոյան
