08.02.2026 | 00:58
Զանգվածային բախում՝ «Նոա» – «Աստանա» խաղում․ ՏԵՍԱՆՅՈՒԹ
Որ հաստիքները կկրճատվեն նախարարությունների օպտիմալացման արդյունքում․ Փաշինյանը մանրամասնում է. ՏԵՍԱՆՅՈՒԹ
Քաղաքականություն
12.02.2019 | 10:59
Հայաստանի տնտեսական դաշտն առավել գրավիչ դարձնելու համար կարգավորումների նվազեցում ու պարզեցում է անհրաժեշտ։ Այս մասին ԱԺ նիստի ընթացքում խոսեց վարչապետ Նիկոլ Փաշինյանը։
«Այն արտոնագրերը, որոնք որևէ ռիսկ չեն ներկայացնում անվտանգությանը, պետք է հանվեն, որպեսզի բիզնեսը կարողանա ազատ և անկաշկանդ գործել։ Սրա հետ է կապված նաև նախարարությունների թվի կրճատման նախագիծը։ Որքան մեծանում են նախարարությունները, այնքան մեծանում է նաև կատարվող աշխատանքի ծավալը»,- ընդգծեց Փաշինյանը։
Վարչապետը չի կիսում այն կարծիքը, թե նախարարությունների թվի կրճատումն աշխատատեղերի պոտենցիալ կրճատում է։
«Եթե այդպես է, եկեք ամեն նախարարությունում 1000 հաստիք բացենք և 1000 նոր մարդու ընդունենք աշխատանքի․ ասենք՝ աշխատատեղ ենք բացել»,- նշեց Փաշինյանը։
Վարչապետը կառավարության՝ նախարարությունների միացման որոշման հասցեին քննադատություններ հնչեցնող ընկերությունների տնօրեններին կոչ արեց իրենց մոտ նոր հաստիքներ բացել։
«Ամեն ինչ անում ենք այս պրոցեսը հնարավորինս սահուն իրականացնելու համար։ Ամեն ինչ կանենք, որ խոշոր կրճատումներ տեղի չունենան։ Նախարարությունների միացման արդյունքում կկրճատվեն հիմնականում կրկնակի հաստիքները»,- նշեց Փաշինյանը։
Մանրամասները՝ տեսանյութում:
Նելլի Մելքոնյան
