10.09.2026 | 22:15
Ադիս Աբեբայում ներկայացվել են COP17-ի՝ ՀՀ նախագահության առաջնահերթություններն ու նախապատրաստական աշխատանքները
Դիլիջանում գտել են Երևանում անհետ կորած համարվող տղամարդու դին
Հասարակություն
08.08.2017 | 17:04
«Փաստինֆո»-ի տեղեկություններով՝ Հաղարծին վանական համալիրի մոտ երեկ հայտնաբերվել է երիտասարդ տղամարդու դի՝ նեխած։
Հետաքրքիրն այն է, որ դին գտնվել է բավական բանուկ հատվածում՝ ավտոճանապարհի մոտ, և թե ինչպես է ստացվել, որ այն ավելի վաղ ոչ ոք չի տեսել, որ սկսել է նեխել՝ կասկածահարույց է։ Բացառված չէ, որ դիակը նշված տեղանքում է հայտնվել տղամարդու մահից ավելի ուշ։
«Փաստինֆո»-ի հարցմանն ի պատասխան ՀՀ քննչական կոմիտեից հաստատեցին, որ օգոստոսի 7-ին հայտնաբերվել է տղամարդու դիակ և Տավուշի մարզային քննչական վարչությունում ձեռնարկված միջոցառումների արդյունքում տղամարդու ինքնությունը պարզվել է։ Վերջինս Երևան քաղաքի բնակիչ է, 32 տարեկան և 2017 թվականի հուլիսի 31-ից համարվում էր անհայտ կորած։
ՔԿ-ից հայտնեցին նաև, որ տղամարդու պարանոցին փաթաթված է եղել կպչուն ժապավեն։ Նախապատրաստված նյութերն ուղարկվել են Աջափնյակ և Դավթաշեն վարչական շրջանների քննչական բաժին։
