Քաղաքականություն
16.01.2019 | 10:28Ազգային ժողովում այսօր շարունակվում են ԱԺ մշտական հանձնաժողովների նախագահների թեկնածությունների վերաբերյալ քննարկումները։
ԱԺ Արտաքին հարաբերությունների մշտական հանձնաժողովի նախագահի պաշտոնում առաջադրված պատգամավոր Ռուբեն Ռուբինյանից «Լուսավոր Հայաստան» խմբակցության պատգամավոր Արման Բաբաջանյանը հետաքրքրվեց արցախյան հարցի կարգավորման վերաբերյալ ի՞նչ քայլեր է իրականացնելու որպես այդ հանձնաժողովի նախագահ՝ հիշեցնելով, որ Նիկոլ Փաշինյանը հայտարարել է, որ Արցախի անունից չի կարող բանակցել Ադրբեջանի հետ։
Ըստ Արման Բաբաջանյանի՝ տպավորություն կա, որ Երևանը մերժել է Վիեննայի կարևորագույն ձեռքբերումը՝ Դուշանբեում Ալիևի հետ պայմանավորվածության դիմաց, իսկ Արցախի հարցում Ադրբեջանի հետ նախկինում ունեցած պայմանավորվածություններից Երևանը հրաժարվել է։
Ի պատասխան Ռուբինյանը նշեց, որ այդ պայմանավորվածությունները շարունակում են մնալ օրակարգում և դրանք որևէ հակասություն չունեն Դուշանբեում կայացած Փաշինյան-Ալիև հանդիպման հետ։
«Այդ հանդիպումը հնարավորություն տվեց այս փուլում էականորեն նվազեցնել սահմանին լարվածությունը»,- ասաց Ռուբեն Ռուբինյանը։
Մանրամասները՝ տեսանյութում։
