09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Պատրա՞ստ եք հակադրվել Կառավարությանը․ Գևորգ Գորգիսյանը՝ ԱԺ նախագահի թեկնածու Արարատ Միրզոյանին․ ՏԵՍԱՆՅՈՒԹ
Քաղաքականություն
14.01.2019 | 12:46
Ազգային ժողովի «Լուսավոր Հայաստան» խմբակցության պատգամավոր Գևորգ Գորգիսյանը 7-րդ գումարման Ազգային ժողովի նախագահի թեկնածու Արարատ Միրզոյանից հետաքրքրվեց՝ առաջիկայում, եթե հարկ լինի, պատրա՞ստ է հակադվել Կառավարությանը և Ազգային ժողովը դարձնել երկրի թիվ մեկ քաղաքական ամբիոնը։
Հարցին ի պատասխան՝ Արարատ Միրզոյանը նկատեց, որ, ցավոք, տարիներ շարունակ Ազգային ժողովի դերը մեծ չի եղել, սակայն և՛ Սահմանադրությունը, և՛ 7-րդ գումարման ԱԺ պատգամավորները բարձրաձայնում են, որ խորհրդարանի դերը պետք է բարձրանա և մեծանա։
«Բնական է, որ Կառավարության նախաձեռնությունների գերակշիռ մասը պետք է աջակցություն ստանա Կառավարությունից, բայց խորհրդարանը ևս պետք է իր ներկայացրած օրենսդրական նախաձեռնություններով փոխի այժմ գործող այն հարաբերակցությունը, որը կա, երբ Կառավարության ներկայացրած օրենսդրական նախաձեռնություններն են գերակշռողը խորհրդարանում»,- ասաց ԱԺ նախագահի թեկնածուն։
Արձագանքի ժամանակ Գևորգ Գորգիսյանը նշեց, որ իր հարցադրումը վերաբերում է քաղաքական հարցերի վերաբերյալ ԱԺ դիրքորոշումներին, ինչին ի պատասխան Արարատ Միրզոյանն ասաց, որ բաց են բոլոր առաջարկների համար, պատրաստ են կիրառել վերահսկողական մեխանիզմներ, որոնք կարող են նաև ընդլայնել անհրաժեշտության դեպքում։
Մանրամասները՝ տեսանյութում։
