03.04.2026 | 22:59
Հրապարակվել է «Քաղաքացիական պայմանագիր» կուսակցության ընտրական ցուցակը
Մասիսի «Գարուն» կարի արտադրամասի աշխատողները վեց ամիս աշխատավարձ չեն ստացել. «Ժողովուրդ»
01.08.2017 | 09:56
«Ժողովուրդ» թերթը գրում է.
«ՀՀ Արարատի մարզի Մասիս քաղաքում գտնվող «Գարուն» կարի արտադրամասի աշխատողները դիմել են «Ժողովուրդ» թերթին և պատմել, որ իրենք վեց ամիս է, ինչ աշխատավարձ չեն ստացել: Տեղեկանալու համար, թե ինչն է աշխատավարձ չտալու պատճառը, «Ժողովուրդ»-ը զրուցեց արտադրամասի տնօրենի՝ Վաղինակ Եղիազարյանի հետ, ով ասաց, «էնպիսի հարց եք բարձրացնում, ես նստած տեղս ինսուլտ եմ ստանում: Չենք կարողանում աշխատել: Պաշտպանության նախարարությունը պատվեր է տվել հագուստ կտրելու, բայց հումքը չենք կարողանում ներմուծել, գումար չկա: Ռուսաստանից պատրաստվում ենք հումքը ներմուծել: Պատկերացնո՞ւմ եք՝ 16 տոկոսով վարկ ենք վերցրել: Փակման եզրին ենք: 16 տոկոսով վարկ եմ վերցնում, որ կտորը ներմուծեմ ու հարկերը տամ»: Զրույցի ավարտին նա նաև նշեց, որ աշխատավարձերի պարտքերը մարելու համար ևս դիմել են բանկ: Երբ ստացվի վարկ ստանալը, անմիջապես կմարվեն աշխատողների պարտքերը»,-գրում է թերթը:
Առավել մանրամասն «Ժողովուրդ» թերթի այսօրվա համարում:
