15.10.2026 | 21:51
Ադրբեջանցի ակտիվիստը, որը հիջաբի արգելքի դեմ բողոքող դպրոցականների համար ուսուցում էր կազմակերպել, անհետ կորել է
Ղրղզստանի նախագահի պաշտոնի համար կպայքարի ավելի քան 50 թեկնածու
Քաղաքականություն
31.07.2017 | 15:36
52 թեկնածու դիմում է ներկայացրել Ղրղզստանի ԿԸՀ՝ հայտնելով նախագահական ընտրություններին մասնակցելու մտադրության մասին. փոխանցում է Gazeta.ru-ն:
«Հանգստյան օրերին թեկնածուների թիվն ավելացել է տասով: Այժմ դիմում է ստացվել 52 թեկնածուից»,- հայտնել է երկրի Կենտրոնական ընտրական հանձնաժողովի ներկայացուցիչը:
Նրա խոսքով՝ մրցապայքարի մասնակիցների մեծ մասը՝ 42 թեկնածու, ինքնառաջադրված է, մյուս թեկնածուներն առաջադրվել են երկրի քաղաքական կուսակցությունների կողմից:
Ղրղզստանի նախորդ՝ 2011 թվականի ընտրությունների ժամանակ, երկրի երկրի բարձրագույն պետական պաշտոնին հավակնում էր 83 մարդ, բայց նախագահի թեկնածուի պաշտոնական մանդատ էր ստացել մրցապայքարի 23 մասնակից:
Նշենք, որ Ղրղզստանում նախագահական ընտրությունները նշանակված են հոկտեմբերի 15-ին:
