16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Մեզ 7 նախարարությունը հերիք է. Արմեն Մարտիրոսյան. ՏԵՍԱՆՅՈՒԹ
Քաղաքականություն
24.12.2018 | 17:35
Factor.am-ի հարցազրույցը հրատարակիչ Արմեն Մարտիրոսյանի հետ
– Պարոն Մարտիրոսյան, Դուք, կարծես, ողջունում եք կառավարության նախաձեռնությունը՝ մի քանի նախարարություններ օպտիմալացնելու ուղղությամբ: Այդ դեպքում ինչո՞ւ են դժգոհ ապագա գործազուրկները:
– Ես կարծում եմ՝ ողջունում են 70 տոկոսից ավելի քաղաքացիները, որոնք իրենց ձայնը տվել են այն կուսակցությանը, որն ընտրությունների գնաց հենց այդ ծրագրով՝ օպտիմալացնելու կառավարությունը:
– Բայց այդ կուսակցությունը չասաց, որ կօպտիմալացվեն հենց մշակույթի կամ սփյուռքի նախարարությունները…
– Հատկապես մշակույթի՝ չէ: Ասել էր, որ լինելու են կրճատումներ և, ինչքան հիշում եմ, 150 հազար մարդ պետք է կրճատվի, որոնք պետական բյուջեից են սնվում: Ի՞նչ պիտի անեն կրճատվողները: Ես չգիտեմ, թե ինչ կանի կառավարությունը, իսկ ես այսպես կանեի. ժողով կանեի բոլոր օղակներում և կասեի՝ ժողովուրդ, որպեսզի մի մասս փրկվի, պետք է էսքան մասը լքի նավը: Բայց եկեք այդ լքելն այնպես անենք, որ արդար լինի:։ Կարող է՝ ցավոտ լինի, բայց արդար լինի: Եկեք ընտրենք պարամետրեր, որոնցով մնացողները մնալու են:
– Գուցե արժեր ազնիվ լինել ընտրողի հետ, տվյալ դեպքում՝ այդ հինգ նախարարություններում աշխատողների, և ընտրություններից առաջ ասել, թե հատկապես ո՞ր նախարարությունները պետք է կրճատվեն:
– Այն կառավարությունը, որը կար մինչև ընտրությունները, որը հիմա էլ է կառավարություն, ուներ մի ծրագիր, որը կոչվում էր արտահերթ ընտրություններ: Նա ի՞նչ իրավունք ուներ այլ բաներից խոսել: Նախընտրական պայքարի ժամանակ սրա մասին խոսվել է: Երեկ ես լսում էի կառավարության աշխատակազմի ղեկավարի պաշտոնակատարին. մինչև հիմա որոշված չէ՝ գյուղատնտեսության նախարարությունը միանու՞մ է էկոնոմիկայի նախարարությանը, թե՞ ոչ: Նյուանսները չկան, զրույց է:
– Ի դեպ, ապագա գործազուրկների մի մասը բողոքի ցույցի դուրս գալով՝ նկատում է, որ կրճատումներով խթանում են արտագաղթը: Կա՞ նման բան:
– Կարող է՝ 4 հոգի էլ արտագաղթեն, բայց երբ մեր ուսերին լինելու պատճառով աշխատող քաղաքացին է գնում… Ի վերջո՝ պետական պաշտոնյան բարիք ստեղծող չէ, նա արտադրություն տվող չէ, ցավոք, անգամ ծառայություն մատուցող չէ, Քանի որ մեր իշխանական բուրգը թարս է սարքված, Սովետական միությունից է գալիս այս մշակույթը, որ նրանք պետք է կառավարեն, և մենք պիտի ծառայենք, այնինչ ցանկացած նախարարություն ծառայության հիմնարկ է, որը ծառայություն պիտի մատուցի: Բայց ե՞րբ եք լսել, որ որևէ նախարարություն ծառայություն մատուցի: Նրանք, հակառակը, իշխում են: Մեզ պետք չէ իշխող, մեզ պետք է հասարակական կանոններ ստեղծող մի օղակ: Ես կարծում եմ, որ այսօր մշակույթի նախարարության ֆունկցիաները կարող է անել 5-10 հոգի: Ես համոզված եմ, որ մի 6 ամիս հետո այդ մարդիկ, որոնք ստիպված կլինեն հաշտվել աշխատանքը կորցնելու մտքի հետ և գնալ տնտեսության ռեալ սեկտոր, նրանք կգտնեն իրենց բիզնեսում, հասարակական տարբեր ոլորտներում:
– Դուք գրել էիք, որ հինգ հոգին հերիք է՝ մշակույթի նախարարության գործն անելու համար, քանի որ նրանք մշակույթի հարցը պիտի կարգավորեն օրենք գրելով կամ ենթաօրենսդրական ակտեր մշակելով: Վերջում դժգոհում եք, որ այս հինգ հոգուն միացնում են կրթության նախարարությանը: Ինչո՞ւ եք դժգոհում:
– Ես չեմ դժգոհել, ես ասում էի՝ այդ 5 հոգանոց թիմը կարող է միանալ կրթության նախարարության 20 հոգանոց թիմին, բայց իմ նպատակն օպտիմալացումն է, որ թեթևանան: Ես համոզված եմ, որ Հայաստանի Հանրապետությունը, որը փոքրիկ տարածք ունի և քիչ բնակչություն, էապես ավելի հեշտ է կառավարել, քան Դանիան կամ Շվեդիան, Շվեյցարիան:
– Ի դեպ՝ 12 նախարարությունը շատ չէ՞, այնուամենայնիվ:
-Ես կարծում եմ՝ մեզ ռեալ յոթ նախարարությունը հերիք է…
Հարցազրույցի մանրամասները՝ տեսանյութում
Մհեր Արշակյան
