07.05.2024 | 11:03
Խորհրդարանական ճեպազրույցները՝ ՈՒՂԻՂ
Նիկոլ Փաշինյանի խորհրդական Արշակ Կարապետյանը ցուցմունք է տվել Ռոբերտ Քոչարյանի դեմ. Հայկ Ալումյան
Հասարակություն
22.12.2018 | 16:43
Նիկոլ Փաշինյանի խորհրդական Արշակ Կարապետյանը ցուցմունք է տվել Ռոբերտ Քոչարյանի դեմ:
Այս մասին այսօր լրագրողների հետ հանդիպման ժամանակ ասաց 2-րդ նախագահ Ռոբերտ Քոչարյանի պաշտպան Հայկ Ալումյանը՝ նշելով, որ Կարապետյանը տվել է սուտ ցուցմունք:
Անդրադառնալով Արշակ Կարապետյանին խորհրդական նշանակելու պատճառներին՝ փաստաբանը նշեց, որ Արշակ Կարապետյանը եղել է թիվ 0038 հրամանի հիման վրա Յուրի Խաչատուրովի տեղակալներից մեկը:
« Թե ինչու է հիմա նշանակվել խորհրդական, դա ես չեմ կարող մեկնաբանել, բայց ես կարող եմ միայն ենթադրել՝ որոշ գործերից ունեցած իմ դառը փորձից ելնելով, որ երբեմն այդպիսի նշանակումներով խրախուսվում է որոշակի վարքագիծ՝ քրեական գործի շրջանակներում: Այսինքն՝ պայմանով, որ քրեական գործի շրջանակներում այս կամ այն անձը որոշակի վարքագիծ կդրսևորի, իրեն տալիս են որոշակի արտոնություններ»,- ասաց Ալումյանը:
