18.12.2025 | 18:26
ԱՄՆ-ն առաջարկել է Զապորոժիեի ԱԷԿ-ն օգտագործել երեք երկրների համար. Կիևը դա անարդար է համարում. Զելենսկի
Պենտագոնի ղեկավարը հրաժարական է տվել. պատճառը Թրամփի քաղաքականության հետ անհամաձայնությունն է
Քաղաքականություն
21.12.2018 | 12:18
ԱՄՆ պաշտպանության նախարար Ջեյմս Մեթիսը հրաժարական է ներկայացրել: Պատճառը նախագահ Դոնալդ Թրամփի քաղաքականության հետ Պենտագոնի ղեկավարի անհամաձայնությունն է, գրում է «Ռոսիյսկայա գազետա»-ն՝ վկայակոչելով CNBC-ն:
Ջեյմս Մեթիսն իրեն պաշտոնից ազատելու խնդրանքը ներկայացրել է երկրի ղեկավարին ուղղված անձնական նամակով: «Մեր իրավունքն է՝ ունենալ պաշտպանության նախարար, որի հայացքներն ավելի շատ են համընկնում Ձեր հայացքներին»,- գրել է նա:
Չի բացառվում, որ Մեթիսն այսպես արձագանքել է Սիրիայից զորքերը դուրս բերելու՝ Թրամփի որոշմանը:
Սպիտակ տան ղեկավարը շնորհակալություն է հայտնել Պենտագոնի ղեկավարին աշխատանքի համար: «Գեներալ Ջեյմս Մեթիսը փետրվարին պատվով կհեռանա աշխատանքից: Նա վերջին երկու տարիներին իմ վարչակազմում աշխատել է որպես պաշտպանության նախարար»,- Twitter-ում գրել է Դոնալդ Թրամփը:
ԱՄՆ նախագահի խոսքով՝ Մեթիսի ջանքերի շնորհիվ այդ ժամանակահատվածում հաջողվել է հսկայական առաջընթաց ապահովել: Թրամփը խոստացել է պաշտպանության նոր նախարարի անունն ասել շատ մոտ ապագայում:
