12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Ալյուրի գինը բարձրացել է 1 դոլարով, հացը թանկացել է 10-20 դրամով. «Ժամանակ»
Տնտեսություն
20.12.2018 | 09:33
«Ժամանակ» թերթը գրում է.
Խորհրդարանական ընտրություններից հետո ալյուրի գինը թանկացավ 1 դոլարով՝ 22-ից դառնալով 23 դոլար, բարձր տեսակի 50-կիլոգրամանոց պարկի հաշվարկով: Թանկացավ նաև անասնակեր թեփի գինը՝ դառնալով 5 դոլար 40 ցենտ: Բայց ամենազավեշտալին ոչ միայն այս թանկացումն է, այլև այն, որ նույնիսկ նոր Հայաստանում ալյուրը և թեփը վաճառվում են դոլարով: Խոսքը մեծածախ վաճառքի մասին է, որը օրենքի կոպիտ խախտում է:
Զավեշտալի է նաև, որ Հայաստանում բոլոր արտադրողները ալյուրի գները բարձրացնում են նույն օրը և նույն չափով, ինչը խոսում է հակամրցակցային պայմանավորվածության գոյության մասին: Չնայած ալյուրի գինը բարձրացել է ընդամենը 1 դոլարով, սակայն հացը թանկացել է 10-20 դրամով, մեկ պարկի հաշվարկով՝ 2500-4000 դրամով:
Առավել մանրամասն՝ թերթի այսօրվա համարում:
