24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Մոսկվան ԱՄՆ-ին առաջարկել է կրճատել ՌԴ-ում դիվանագետների թիվը
Քաղաքականություն
28.07.2017 | 14:11
Մոսկվան առաջարկել է մինչև սեպտեմբեր կրճատել Ռուսաստանում ԱՄՆ դիվանագետների թիվը: Այդ մասին ասված է երկրի ԱԳՆ-ի հայտարարությունում, գրում է ria.ru-ն:
Մոսկվան Վաշինգտոնին առաջարկել է Ռուսաստանում թողնել դեսպանատան և հյուպատոսարանի 455 աշխատակցի, ճիշտ նույնքան ռուս դիվանագետ է աշխատում ԱՄՆ-ում:
«ԱՄՆ-ում մեր դիվանագետների թվաքանակի կրճատման հետ կապված ամերիկյան իշխանությունների նոր միակողմանի գործողությունների դեպքում, կհետևի հայելային պատասխան»,- ընդգծել են գերատեսչությունում:
Ամերիկյան դեսպանատունն օգոստոսից նաև չի կարողանա օգտագործել Սերեբրյանի բորում գտնվող ամառանոցը և Մոսկվայի Դորոժնայա փողոցում պահեստները:
Հիշեցնենք, որ ԱՄՆ Սենատն ընդունել է Ռուսաստանի, Իրանի և Հյուսիսային Կորեայի դեմ պատժամիջոցների մասին օրենքը։
Վլադիմիր Պուտինը, մեկնաբանելով Միացյալ Նահանգների Սենատի կողմից ընդունված նոր հակառուսական օրինագիծը, ասել է, որ Եթե ԱՄՆ Սենատը պատժամիջոցներ կիրառի, ապա Ռուսաստանը համաժեք պատասխան կտա:
