13.12.2024 | 21:28
Հայաստանը նպատակ ունի վերակառուցել տարածաշրջանում համագործակցությունը. ԱԳՆ գլխավոր քարտուղար
Հերթը Թրամփինն է. ԱՄՆ սենատը հավանություն է տվել հակառուսական նոր պատժամիջոցներին
Քաղաքականություն
28.07.2017 | 11:46
ԱՄՆ Սենատն ընդունել է Ռուսաստանի, Իրանի և Հյուսիսային Կորեայի դեմ պատժամիջոցների մասին օրենքը։ Օրինագծին կողմ է քվեարկել 98 սենատոր, դեմ՝ 2-ը. փոխանցում է ria.ru-ն:
Առաջիկայում օրենքը կուղարկվի նախագահ Դոնալդ Թրամփի ստորագրմանը, ով ունի դրա վրա վետո դնելու իրավունք։ Վետոյի հաղթահարման համար Կոնգրեսին անհրաժեշտ է յուրաքանչյուր պալատում ձայների 2/3-ը, ինչը, ելնելով անցկացված քվեարկությունների արդյունքներից, միանգամայն հնարավոր է։
«Մենք կողմ ենք այդ երկրների (Ռուսաստան, Իրան և Հյուսիսային Կորեա- խմբ.) դեմ խիստ պատժամիջոցների կիրառմանը: Բայց դեռ վաղ է դրա մասին խոսելը, մենք սպասում ենք վերջնական փաստաթղթին, որպեսզի անցնենք դրա իրականացմանը», – ասել է Սպիտակ տան խոսնակ Սառա Սանդերսը:
Սահմանափակող միջոցառումների նոր փաթեթը ուժի մեջ մտնելու դեպքում կարող է դառնալ ամենալայնածավալը 2014 թվականից ի վեր։
